იაგო ხვიჩია - გენპროკურორის არჩევის ახალი წესი არც არაფერს აკეთებს და არც არაფერს აფუჭებს - არაფერს ცვლის

გენპროკურორის არჩევის ახალი წესი არც არაფერს აკეთებს და არც არაფერს აფუჭებს - არაფერს ცვლის, - ამის შესახებ „გირჩის“ დეპუტატმა იაგო ხვიჩიამ ჟურნალისტებთან განაცხადა.

მისივე თქმით, ამ ცვლილებებს „გირჩი“ რაიმე მნიშვნელობას არ ანიჭებს, რადგან არანაირი მოლოდინი არ აქვთ, თუმცა მათთვის მნიშვნელოვანია საკონსტიტუციო ცვლილებები, რომელიც საარჩევნო საკითხებს ეხება.

„ჩვენ ზოგადად, გვინდა, რომ პროკურორი ქართველმა ხალხმა აირჩიოს, პროკურატურა იყოს დეცენტრალიზებული, არ არსებობდეს ზემდგომი პროკურორები, თავისუფლება გვინდა ამ ხალხს მივანიჭოთ. შესაბამისად, გენპროკურორთან დაკავშირებულ საკითხში ვმონაწილეობთ მხოლოდ იმიტომ, რომ „ქართულმა ოცნებამ“ ეს საბაბად არ გამოიყენოს და დესტრუქცია არ დაგვაბრალოს სხვა საკონსტიტუციო ცვლილებების (საარჩევნო საკითხებთან დაკავშირებული საკონსტიტუციო ცვლილებების) დროს, რომელიც ჩვენთვის მნიშვნელოვანია. რაც შეეხება გენპროკურორის არჩევის წესს, ეს არც არაფერს აკეთებს და არც არაფერს აფუჭებს, ყველაფერი იგივე იქნება ამ ქვეყანაში ამ ცვლილებების შემდეგ. აქედან გამომდინარე, გადაწყვეტილებას, რომელსაც მივიღებთ, მივიღებთ არა იმის გამო, რომ გენპროკურორის არჩევის წესთან დაკავშირებული ცვლილებების მიმართ დიდი მოლოდინები გვაქვს, არამედ იმის გამო, რომ სხვა ცვლილებების მიღებისას „ქართულ ოცნებას“ არ მივცეთ საშუალება დესტრუქცია დაგვაბრალოს“, - განაცხადა ხვიჩიამ.

ოთარ ჯანელიძე - რუსეთიდან შემომსვლელ მიგრანტებთან დაკავშირებით უნდა იგრძნობოდეს, რომ ვმოქმედებთ, როგორც სახელმწიფო
ქართული პრესის მიმოხილვა 26.09.2022
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
სვისმედკომერსი - უმტკივენულო ანესთეზიის ტექნოლოგიის დანერგვა საქართველოს ბაზარზე
ლისის ტბაზე LISI VIBES გაიმართება
ლიბერთიმ მეთხილე ფერმერებისთვის ახალი აგროპროექტი დაიწყო
განახლებული ვაკის საცურაო აუზი ახალ სეზონს მასპინძლობს
ლიბერთის ახალი აქცია სამომხმარებლო სესხზე