„ჯორჯიან უოთერ ენდ ფაუერი“ სპეციალურ განცხადებას ავრცელებს. კომპანიის ინფორმაციით, დღეს, 9 სექტემბერს, „ჯორჯიან უოთერ ენდ ფაუერი“ მთაწმინდის რაიონში, იაკობ ნიკოლაძის ქუჩაზე N24-თან წყალმომარაგების ქსელზე გადაერთებით სამუშაოებს ჩაატარებს. მოსახლეობისთვის ნაკლები დისკომფორტის შექმნის მიზნით ტექნიკური სამუშაოების ძირითადი ნაწილი ღამის განმავლობაში ჩატარდება.

„აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც დღეს, 9 სექტემბრის საღამოს 21:00 საათიდან 10 სექტემბრის დღის 14:00 საათამდე წყალმომარაგება შეეზღუდება:

მთაწმინდის რაიონში - ნიკოლაძის, ჭიაურელის, ანჯაფარიძის, ანანურის, შიო მღვიმელის, შარაშიძის, მახარაძის, ქუჩიშვილის, მელიქიშვილის N17,19, კოსტავას N42,44, ღამბაშიძის, იყალთოს, იყალთოს გორის ქუჩა, ტუსკიას ქუჩებს, ჭაბუა ამირეჯიბის გზატკეცილი N10-ს. სამუშაოების მიმდინარეობისას, წყალმომარაგების სრულად აღდგენამდე კომპანია მოსახლეობას წყალს ცისტერნებით მიაწვდის.

„ჯორჯიან უოთერ ენდ ფაუერი“ ბოდიშს უხდის მომხმარებლებს შექმნილი დისკომფორტისთვის.

წყალმომარაგების შეზღუდვისა და აღდგენის შესახებ ინფორმაციას, „ჯორჯიან უოთერ ენდ ფაუერი“ აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით - http://www.gwp.ge“,- აღნიშნულია ინფორმაციაში.