ჯანდაცვის სამინისტროში, ზურაბ აზარაშვილის ხელმძღვანელობით, რეფორმებზე მომუშავე შიდა ჯგუფის შეხვედრა გაიმართა

ჯანდაცვის სამინისტროში, ზურაბ აზარაშვილის ხელმძღვანელობით, რეფორმებზე მომუშავე შიდა ჯგუფის შეხვედრა გაიმართა.

ჯანდაცვის სამინისტროს ინფორმაციით, ჯგუფის წევრებმა ჯანდაცვის სფეროში დაგეგმილ ცვლილებზე იმსჯელეს. განიხილეს ის ახალი სტანდარტები, რაც კლინიკებმა უნდა დააკმაყოფილონ, ისაუბრეს DRG სისტემის ამოქმედებასთან დაკავშირებით, საუბარი შეეხო მედიკამენტებზე რეფერენტული ფასების დაწესებასა და ასევე სამედიცინო პერსონალისთვის მინიმალური ხელფასების განსაზღვრას.

„ შეგახსენებთ, რომ ხარისხიან სამედიცინო სერვისებზე და მედიკამენტებზე ხელმისაწვდომობის გაზრდის მიზნით ჯანდაცვის სამინისტრო სხვადასხვა რეფორმას ახორციელებს.

წამლის ფასის კიდევ უფრო შემცირების მიზნით, მომდევნო წლიდან, მედიკამენტებზე რეფერენტული ფასები განისაზღვრება, რაც ფარმაცევტული პროდუქტის ღირებულებაზე ზედა ზღვრის დაწესებას გულისხმობს.

სამედიცინო პერსონალის ღირსეული ანაზღაურებისთვის, სახელმწიფო პროგრამაში ჩართულ კლინიკებში ახალი სახელფასო სისტემა ამოქმედდება, რაც მინიმალური ხელფასის განსაზღვრას გულისხმობს.

სამედიცინო სერვისის ხარისხის გაუმჯობესების მიზნით, 2025 წლიდან, საყოველთაო ჯანმრთელობის დაცვის სახელმწიფო პროგრამაში ჩართული კლინიკებისთვის, საერთაშორისო სტანდარტების დანერგვა გახდება სავალდებულო.

ამასთანავე, სამინისტრო, სამედიცინო სფეროს წარმომადგენლებთან ერთად, აქტიურად მუშაობს, რათა უახლოეს მომავალში ანაზღაურების ახალი - DRG სისტემა დაინერგოს. დიაგნოზთან შეჭიდული ჯგუფების მოდელით (DRG) ავტომატურად გამოითვლება ის სამართლიანი ფასი, რასაც სამინისტრო მოქალაქეების ხარისხიანი მკურნალობისთვის გადაიხდის.

აღნიშნულ საკითხებთან დაკავშირებით, მომდევნო კვირიდან, დარგობრივ ასოციაციებთან შეხვედრები დაიწყება და სამინისტროს წარმომადგენლები, სფეროში დაგეგმილ ცვლილებებს თემატურ ჯგუფებთან ერთად განიხილავენ.

შეხვედრას ჯანდაცვის მინისტრის მოადგილეები თამარ გაბუნია და ილია ღუდუშაური ესწრებოდნენ“,- აღნიშნულია ინფორმაციაში.

ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
მამუკა გამყრელიძე - პუტინისთვის საბედისწერო აღმოჩნდა შანხაის  სამიტი, მან სამარყანდში დაინახა, რომ  მარტო დარჩა, ამიტომაც შეცვალა ომის მიზანი
ქართული პრესის მიმოხილვა 03.10.2022
ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა
ქართული ციფრული ბანკების გლობალური აღიარება
ვოლტი ზუგდიდშია