მჯერა, რომ „ღირსეული პარტნიორის“ მეშვეობით შექმნილი ნდობა და გაძლიერებული პარტნიორობა მტკიცე შედეგს გამოიღებს, - ამის შესახებ აშშ-ის არმიის V კორპუსის მეთაურის მოადგილემ, გენერალ-მაიორმა ჯეფრი ბროუდვოთერმა სწავლების, „ღირსეული პარტნიორის“ დახურვის ცერემონიალზე სიტყვით გამოსვლისას განაცხადა.
„დღეს ჩვენ აღვნიშნეთ „ღირსეული პარტნიორის“ დახურვა, რომელიც მეექვსედ ჩატარდა. სწავლება, რომელიც კვირაზე მეტხანს გაგრძელდა, ორი ათასზე მეტ სამხედრო მოსამსახურეს შორის თანამშრომლობით ჩატარდა. მასში ქართულ მექანიზებულ და სპეციალური ოპერაციების ძალებთან ერთად მონაწილეობდნენ ფორმირებები ევროპიდან და ჩვენი დიდი ეროვნული გვარდია და თანაგუნდელები ჯორჯიის შტატიდან და დასავლეთ ვირჯინიიდან, ასევე 19 სხვა ქვეყნის სამხედროები, იმისთვის, რომ კომბინირებული ოპერაციები განეხორციელებინათ და მრავალეროვნული და რეგიონული ურთიერთთავსებადობა გაეძლიერებინათ.
მათ გააძლიერეს მზადყოფნა და გააუმჯობესეს მრავალეროვნული სამეთაურო და კონტროლის შესაძლებლობები.
მე მჯერა, რომ ამ სწავლების მეშვეობით, თითოეული მონაწილე ერის მიერ შექმნილი ნდობა და გაძლიერებული პარტნიორობა დროთა განმავლობაში დაამტკიცებს, რომ იქნება ჩვენი შესანიშნავი და კოლექტიური ძალისხმევის ყველაზე გამორჩეული და მტკიცე შედეგი“, - აღნიშნა გენერალმა.