პროგრამის „ასწავლე საქართველოსთვის“ მონაწილე მასწავლებლებს სერტიფიკატები გადაეცათ

მასწავლებელთა პროფესიული განვითარების ეროვნული ცენტრის ორგანიზებით, დუშეთის კულტურის სახლში, პროგრამის „ასწავლე საქართველოსთვის“ შემაჯამებელი ღონისძიება ჩატარდა, რომელიც საქართველოს განათლებისა და მეცნიერების მინისტრის პირველმა მოადგილე თამარ მახარაშვილმა გახსნა.

განათლების და მეცნიერების სამინისტროს ინფორმაციით, მან დამსწრე საზოგადოებას სიტყვით მიმართა, მიღწეული შედეგები შეაფასა და პროგრამის მნიშვნელობაზე ისაუბრა.

თამარ მახარაშვილის თქმით, სამინისტროს ერთ-ერთი მთავარი ამოცანა ზოგადი განათლების სისტემის განვითარება, სკოლებში სწავლა-სწავლების ხარისხის გაუმჯობესება და უკლებლივ ყველა მოსწავლისთვის, დედაქალაქსა თუ რეგიონში, ხარისხიანი განათლების მიღების თანაბარი შესაძლებლობის უზრუნველყოფაა.

როგორც მინისტრის პირველმა მოადგილემ აღნიშნა, ამ მიმართულებით ერთ-ერთ გამოწვევად კვლავ რჩება კვალიფიციური კადრების მოზიდვა მაღალმთიან, აგრეთვე ბარის შორეული სოფლების საჯარო სკოლებში. მისი თქმით, სწორედ ამ პრობლემის გადაჭრას ემსახურება პროგრამა „ასწავლე საქართველოსთვის“, რომელში ჩართული თითოეული მასწავლებლის საქმიანობა ორმაგად მნიშვნელოვანია – ერთი მხრივ ისინი ხარისხიან განათლებაზე ხელმისაწვდომობას უზრუნველყოფენ რეგიონების სკოლებში, ხოლო მეორე მხრივ, სკოლებს ეხმარებიან არსებული კადრების კვალიფიკაციის ამაღლების პროცესში.

თამარ მახარაშვილმა ხაზგასმით აღნიშნა, თუ რამდენად მნიშვნელოვანია ამ პროექტის წარმატება მაღალმთიანი რეგიონის სოფლების სკოლებისთვის ავტორიზაციის პროცესის დაძლევის თვალსაზრისით. მინისტრის პირველმა მოადგილემ განაცხადა, რომ პროგრამის მონაწილე მასწავლებლები აქტიურად არიან ჩართულნი ამ პროცესში და კონსულტაციას უწევენ, როგორც კოლეგა პედაგოგებს, ასევე სკოლის ადმინისტრაციას.

პროგრამის „ასწავლე საქართველოსთვის“ მონაწილე მასწავლებლებსა და მოწვეულ სტუმრებს სიტყვით ასევე მიმართა მასწავლებელთა პროფესიული განვითარების ეროვნული ცენტრის დირექტორმა ბერიკა შუკაკიძემ, რომელმაც პროექტის მიღწევები შეაჯამა.

მისი თქმით, დღეისათვის საქართველოს მასშტაბით, სხვადასხვა მაღალმთიანი რეგიონის საჯარო სკოლებში მენტორის, წამყვანი და უფროსის სტატუსის მქონე, 13 საგნობრივი მიმართულების 156 კონსულტანტ-მასწავლებელი ასწავლის.

პროგრამა ჯამში მოიცავს 10 რეგიონის, 26 მუნიციპალიტეტის 84 საჯარო სკოლასა და 6869 მოსწავლეს.

როგორც ბერიკა შუკაკიძემ აღნიშნა, კონსულტანტ-მასწავლებლები, სკოლის დირექციასთან შეთანხმებით თანამშრომლობენ ადგილობრივ მასწავლებლებთან და ზრუნავენ სწავლა-სწავლების პროცესის გაუმჯობესებაზე, ჩართულნი არიან მასწავლებლის საქმიანობის დაწყების, პროფესიული განვითარებისა და კარიერული წინსვლის სქემაში, არიან ფასილიტატორები და ახორციელებენ სქემასთან მიმართებაში თანმხვედრ ღონისძიებებს; ასევე, ასწავლიან ეროვნული სასწავლო გეგმით გათვალისწინებულ საგანს სწავლების თანამედროვე მეთოდების გამოყენებით, ხელს უწყობენ არაფორმალური სწავლების დანერგვას, სკოლაში ქმნიან საგნობრივ წრეებს, ატარებენ დამატებით გაკვეთილებს, მოსწავლეებთან ერთად ახორციელებენ შემეცნებით და საგანმანათლებლო პროექტებს და სხვა.

ღონისძიების ფარგლებში, მაღალმთიან რეგიონებში მივლენილმა კონსულტანტ-მასწავლებლებმა, დამსწრე საზოგადოებას წარუდგინეს მოკლე პრეზენტაციები თავიანთი საქმიანობის, აქტივობებისა და მიღწეული შედეგების შესახებ. ასევე, მოეწყო მათი მოსწავლეების ხელნაკეთი ნივთების გამოფენა. პროგრამის ყველა მონაწილეს, მასწავლებლის პროფესიული განვითარების ცენტრისგან გადაეცა სერტიფიკატი და პროფესიული ლიტერატურის სასაჩუქრე კრებული.

ღონისძიების პარალელურად, დუშეთის კულტურის სახლში მოეწყო ადგილობრივი სკოლის ისტორიის მასწავლებლის, მხატვარ მარინა გოგოჭურის ფერწერული ტილოების გამოფენა. დასასრულს კი, სტუმრების წინაშე მუსიკალური ნომრით წარდგა ადგილობრივი ანსამბლი „ქალილო“.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024