მოძრაობა „საქართველოსთვის“ წევრები რესპუბლიკის მოედნიდან „ქართული ოცნების“ ოფისამდე ავტომსვლელობით მიემართებიან.
მოძრაობის ლიდერების განმარტებით, დღევანდელი აქცია-მსვლელობა უკრაინის სამხედრო წარმატებას უკავშირდება. მოძრაობა ,,საქართველოსთვის” ერთ-ერთი ლიდერის, გიორგი მუმლაძის განცხადებით, „ერთად უნდა ვიზეიმოთ უკრაინის გამარჯვება და ამავე ერთობით დავამარცხოთ საქართველოში რუსეთის მოყვარე ხელისუფლება“.
„ჩვენი მოძმე უკრაინა ბოლო დღეებში წარმატებებს აღწევს სამხედრო თვალსაზრისით და დიდი ტერიტორიები გაათავისუფლა ოკუპანტი რუსებისაგან. ჩვენ ეს გვიხარია, რადგან რუსეთი არის ჩვენი მტერი. ჩვენ გვმართავს რუსული ხელისუფლება, ამიტომ რუსული მარცხი გვახარებს და ამის აღსანიშნავად ვართ აქ. ჩვენ უკრაინის გამარჯვება მოგვცემს სტიმულს, რომ რუსული რეჟიმი დავამარცხოთ, ამიტომ მოვედით ერთის მხრის საზეიმოდ და მეორეს მხრივ იმის დასადასტურებლად, რომ აქაც გვყავს რუსები დასამარცხებელი”, - აღნიშნა გიორგი მუმლაძემ.
