“საქართველოს ბანკმა“ ინტერნეტბანკში ახალი ფუნქციონალი- თანხის მოთხოვნა დაამატა, რომელიც ბიზნესს აძლევს შესაძლებლობას, მაქსიმალურად გაიმარტივოს გადახდასთან დაკავშირებული პროცედურები. კონკრეტულად, აკონტროლოს თანხა და გადაამოწმოს ნამდვილად ჩარიცხულია თუ არა გაწეული მომსახურების საფასური, ნახოს თანხის რა ნაწილია ჩარიცხული, ან ჩასარიცხი. ინფორმაციას “საქართველოს ბანკი“ ავრცელებს.

მათი ინფორმაციით, პროდუქტის უპირატესობას ასევე წარმოადგენს ის, რომ აღარ არის საჭირო ინვოისის მეილზე გაგზავნა.

როგორც „საქართველოს ბანკში“ აღნიშნავენ, კიდევ უფრო გამარტივებულია მიმღების ანგარიშის ნომერთან დაკავშირებული პროცედურა, რადგან მიმღები მოთხოვნისას თავად უთითებს, რომელ ანგარიშზე სურს განხორციელდეს ჩარიცხვა და გადარიცხვის დავალების ცალკე აკრეფაც აღარ არის საჭირო.

„ჩვენ მუდმივ რეჟიმში ვცდილობთ, ბიზნესს კიდევ უფრო გავუმარტივოთ ყოველდღიური ბიზნეს პროცესები. ამ მიზნით კი ვქმნით ახალ, მათ საჭიროებებზე კიდევ უფრო მორგებულ პროდუქტებსა და სერვისებს. თანხის მოთხოვნა სწორედ ის ფუნქციონალია, რომელიც ბიზნესს აძლევს შესაძლებლობას, მარტივად მოითხოვოს თანხა და აკონტროლოს გადარიცხვების პროგრესი. თუკი რაიმე მიზეზით ბიზნესს შეექმნება მოთხოვნილი თანხის გაუქმების საჭიროება, მას აქვს შესაძლებლობა, ისარგებლოს უარყოფის ფუნქციით და დატოვოს კომენტარი მოთხოვნის გაუქმების მიზეზის შესახებ. ეს ბიზნესს უზოგავს დროსა და ენერგიას“, - განაცხადა „საქართველოს ბანკის“ ციფრული პროდუქტების მენეჯერმა, ლიკა თავართქილაძემ.

მეტი ინფორმაცია ახალი ფუნქციონალის შესახებ ხელმისაწვდომია შემდეგ ბმულზე: https://bit.ly/3QvCoRf