ი. ციციშვილის კლინიკა ქვეყნის წამყვანი პედიატრის, ირაკლი ციციშვილის 100 წლის იუბილეს აღნიშნავს

ქვეყნის წამყვან პედიატრსა და აკადემიკოსს, ირაკლი ციციშვილს, რომლის სახელსაც დღეს საქართველოში ერთ-ერთი ყველაზე მსხვილი ბავშვთა ჰოსპიტალი ატარებს, 100 წელი შეუსრულდებოდა. ინფორმაციას ამის შესახებ „ევექსი“ ავრცელებს.

„მას პედიატრიული მიმართულების განვითარებაში უდიდესი წვლილი მიუძღვის. თბილისის სამედიცინო ინსტიტუტში პედაგოგიურ მოღვაწეობას ეწეოდა და საქართველოს პედიატრიული აკადემიის პრეზიდენტი იყო. ასევე, 100-ზე მეტი სამეცნიერო ნაშრომის ავტორი გახლდათ.

დაჯილდოებულია ღირსებისა და ბრწყინვალების საპრეზიდენტო ორდენებით და საუკუნის 100 გამოჩენილი ადამიანის სიაში არის შესული. უანგარო დახმარების გამო, ირაკლი ციციშვილს „სახალხო ექიმსაც“ უწოდებდნენ.

მისი სახელობის ბავშვთა კლინიკა 175 საწოლზეა გაშლილი და ნეონატალური და პედიატრიული ასაკის პაციენტებს სერვისების ფართო სპექტრს სთავაზობს. ციციშვილის სახელობის ბავშვთა კლინიკაში, წლის განმავლობაში, ამბულატორიული და ჰოსპიტალური სერვისებით, საშუალოდ, 47 300-მდე პაციენტი სარგებლობს“, - აღნიშნულია გავრცელებულ ინფორმაციაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს