პაატა მანჯგალაძე „ქართული ოცნების“ ინიციატივაზე - ჩვენ გვაქვს პროექტი, სადაც ტექნოლოგიების გამოყენებით არჩევნების ჩატარების ინიციატივით გამოვდივართ, თუ შესაძლებელი იქნება, შევთანხმდეთ და ერთი და იმავეზე ვსაუბრობთ, მხარს დავუჭერთ

დეტალები უნდა ვნახოთ, ჩვენ მზად გვაქვს ჩვენი პროექტი, სადაც ტექნოლოგიების გამოყენებით არჩევნების ჩატარების ინიციატივით გამოვდივართ, თუ შესაძლებელი იქნება, რომ შევთანხმდეთ და ერთი და იმავეზე ვსაუბრობთ, რა თქმა უნდა, მხარს დავუჭერთ, - ამის შესახებ "სტრატეგია აღმაშენებლის" დეპუტატმა პაატა მანჯგალაძემ ჟურნალისტებთან განაცხადა, რითაც ელექტრონულად არჩევნების ჩატარების თაობაზე პარტია "ქართული ოცნების" თავმჯდომარის, ირაკლი კობახიძის განცხადებას გამოეხმაურა.

მისი თქმით, ტექნოლოგიების გამოყენება არჩევნების გაყალბების რისკებს ამცირებს.

"ჩვენ ოპოზიციას გვაქვს რეფორმა საარჩევნო ტექნოლოგიების გამოყენებით, თუ ამას გულისხმობს კობახიძე, თუ ესტონურ ელექტრონულ მოდელზეა საუბარი... დეტალები უნდა დავაზუსტოთ, როგორი იქნება უცხოეთში მცხოვრები ქართველების არჩევნებში მონაწილეობის საკითხი, უნდა ვნახოთ კონკრეტულად ინიციატივა და შემდეგ ვიტყვით, ვეთანხმებით თუ არა. ისე ჩვენ, "სტრატეგია აღმაშენებელს" მზად გვაქვს ჩვენი პროექტი, სადაც ტექნოლოგიების გამოყენებით არჩევნების ჩატარების ინიციატივით გამოვდივართ, თუ შესაძლებელი იქნება, რომ შევთანხმდეთ და ერთი და იმავეზე ვსაუბრობთ, დეტალები უნდა ვნახოთ, მაშინ, რა თქმა უნდა, მხარს დავუჭერთ, არანაირი პრობლემა არ გვაქვს ჩატარდეს არჩევნები ისე, რომ გაყალბების ადამიანური მანიპულაციის შესაძლებლობა არ ჰქონდეს "ქართულ ოცნებას". ტექნოლოგიის გამოყენება ამცირებს ადამიანის მანიპულაციის, შეცდომის და არჩევნებზე ადამიანის გავლენის რისკებს,"- განაცხადა მანჯგალაძემ.

ცნობისათვის, "ქართული ოცნება" არჩევნების ელექტრონულად ჩატარების ინიციატივით გამოდის. როგორც პარტია "ქართული ოცნების" თავმჯდომარე ირაკლი კობახიძემ განაცხადა, ეს გადაწყვეტილება საარჩევნო რეფორმის უმნიშვნელოვანესი შემადგენელი ნაწილი იქნება.

ოთარ ჯანელიძე - რუსეთიდან შემომსვლელ მიგრანტებთან დაკავშირებით უნდა იგრძნობოდეს, რომ ვმოქმედებთ, როგორც სახელმწიფო
ქართული პრესის მიმოხილვა 26.09.2022
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
სვისმედკომერსი - უმტკივენულო ანესთეზიის ტექნოლოგიის დანერგვა საქართველოს ბაზარზე
ლისის ტბაზე LISI VIBES გაიმართება
ლიბერთიმ მეთხილე ფერმერებისთვის ახალი აგროპროექტი დაიწყო
განახლებული ვაკის საცურაო აუზი ახალ სეზონს მასპინძლობს
ლიბერთის ახალი აქცია სამომხმარებლო სესხზე