ევროკომისიის პრეზიდენტი, ურსულა ფონ დერ ლაიენი დღეს კიევში გაემგზავრება, - უკრაინული მედიის ინფორმაციით, ამის შესახებ ევროკომისიის ხელმძღვანელმა სტრასბურგში, ევროპარლამენტის პლენარულ სესიაზე სიტყვით გამოსვლისას განაცხადა.

მისი თქმით, ვიზიტის ფარგლებში უკრაინის პრეზიდენტ ვოლოდიმირ ზელენსკის შეხვდება და ევროკავშირის ერთობლივ ბაზარზე უკრაინის მონაწილეობის საკითხს განიხილავს.

ამასთან, ურსულა ფონ დერ ლაიენმა ხაზი გაუსვა, რომ რუსული აგრესიის შედეგად უკრაინამ უზარმაზარი ნგრევა განიცადა, მაგრამ ევროკავშირი თანმიმდევრული და მტკიცე იქნება უკრაინის აღდგენის საქმეში და ამისთვის უკრაინის მთელ უზარმაზარ პოტენციალს გამოიყენებს.