თავდაცვის სამინისტროს ბიუჯეტი 80 მილიონი ლარით იზრდება

მიმდინარე წლის ბიუჯეტში დაგეგმილი ცვლილებებით, თავდაცვის სამინისტროს 80 მილიონი ლარი ემატება.

2022 წლის სახელმწიფო ბიუჯეტში შესატანი ცვლილებების პროექტით, თავდაცვის სამინისტროს ასიგნებები 80.0 მლნ ლარით იზრდება და 1 082,4 მლნ ლარის ოდენობით განისაზღვრება.

როგორც მთავრობა განმარტავს, ზრდა ძირითადად თავდაცვის შესაძლებლობების განვითარებისა და ლოჯისტიკური ხარჯების შეუფერხებლად დაფინანსებასთან არის დაკავშირებული.

აღსანიშნავია, რომ მთავრობამ პარლამენტს 2022 წლის სახელმწიფო ბიუჯეტში ცვლილებების პროექტი უკვე წარუდგინა. პარლამენტის ბიურომ დღევანდელ სხდომაზე საბიუჯეტო ცვლილებების განხილვის გრაფიკი დაამტკიცა, რომლის მიხედვით, ბიუჯეტის პროექტს ყველა საპარლამენტო კომიტეტი და ფრაქცია განიხილავს.

საკომიტეტო განხილვების პროცესი 15 სექტემბრიდან დაიწყება. პარლამენტის საფინანსო-საბიუჯეტო კომიტეტი შემაჯამებელ სხდომას 28 სექტემბერს გამართავს, ხოლო ცვლილებები დასამტკიცებლად 3 ოქტომბრის სასესიო კვირას გავა.

ოთარ ჯანელიძე - რუსეთიდან შემომსვლელ მიგრანტებთან დაკავშირებით უნდა იგრძნობოდეს, რომ ვმოქმედებთ, როგორც სახელმწიფო
ქართული პრესის მიმოხილვა 26.09.2022
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
სვისმედკომერსი - უმტკივენულო ანესთეზიის ტექნოლოგიის დანერგვა საქართველოს ბაზარზე
ლისის ტბაზე LISI VIBES გაიმართება
ლიბერთიმ მეთხილე ფერმერებისთვის ახალი აგროპროექტი დაიწყო
განახლებული ვაკის საცურაო აუზი ახალ სეზონს მასპინძლობს
ლიბერთის ახალი აქცია სამომხმარებლო სესხზე