არ ვოცნებობ, რომ ნიკოლოზი აუცილებლად უმკაცრესი სასჯელით დაისაჯოს. მისი ვერანაირი მდგომარეობა ვერც მორალურ და ვერც ზნეობრივ საფასურს ვერ გადამიხდის, - ასე უპასუხა ჩოგბურთელ ნიკოლოზ ბასილაშვილის ყოფილმა მეუღლემ, ნეკა დოროყაშვილმა შეკითხვას, მოითხოვს თუ არა ბასილაშვილის კანონის უმკაცრესი ზომით დასჯას.

დოროყაშვილის განმარტებით, ნიკოლოზ ბასილაშვილმა კანონის წინაშე ისევე უნდა აგოს პასუხი, როგორც ყველა მოქალაქემ და არ უნდა მოხდეს მისი სტატუსის გათვალისწინება.

„მე ნიკოლოზის ვერანაირი სასჯელი ვერ ამინაზღაურებს იმ მორალურ მდგომარეობას, რაც გადამატანინა და რასაც სჩადიოდა ამდენი წლის განმავლობაში. არ ვოცნებობ, რომ აუცილებლად უმკაცრესი სასჯელით დაისაჯოს. მისი ვერანაირი მდგომარეობა ვერც მორალურ და ვერც ზნეობრივ საფასურს ვერ გადაიხდის. ნიკოლოზმა უნდა აგოს პასუხი კანონის წინაშე, ისევე როგორც ყველა კანონიერმა მოქალაქემ და არ უნდა იყოს გათვალისწინებული მისი სტატუსი, ან საზოგადოებრივი მდგომარეობა“, - აღნიშნა ნეკა დოროყაშვილმა.

დოროყაშვილმა, რომელიც ყოფილ ქმარს ძალადობაში ადანაშაულებს, ჩოგბურთელ ნიკოლოზ ბასილაშვილის წინააღმდეგ დღეს სასამართლოს ჩვენება მისცა.