ჯანდაცვის მინისტრის მოადგილის განცხადებით, დასაქმების სურვილი თავდაპირველად 60 ათასმა სოციალურად დაუცველმა გამოთქვა, თუმცა გასაუბრების შემდეგ,  23 ათასამდე პირმა უარი თქვა

ჯანდაცვის მინისტრის მოადგილის, თამილა ბარკალაიას განცხადებით, სოციალურ სამუშაოში ჩართვის სურვილი პირველ ეტაპზე 60 ათასმა მოქალაქემ გამოთქვა, თუმცა, გასაუბრების შემდეგ 23 ათასმა უარი თქვა.

როგორც ბარკალაიამ პარლამენტში, რეგიონული პოლიტიკის კომიტეტის სხდომაზე აღნიშნა, ამ ეტაპზე სოციალურ სამუშაოებში 22 ათასი მოქალაქეა დასაქმებული.

„პირველ ეტაპზე საზოგადოებრივი სამუშაოების მიმართ დიდი ინტერესი იყო და დაახლოებით, 60 ათასმა მოქალაქემ მიმართა დასაქმების სააგენტოს და სოციალური მომსახურების სააგენტოს. პირველადი კონსულტაციის შემდეგ დაახლოებით, 22-23 ათასმა მოქალაქემ უარი განაცხადა საზოგადოებრივ სამუშაოებში ჩართვაზე. მოქალაქეების ნაწილმა, 4200-მა პირმა აირჩია არაფორმალური ეკონომიკური საქმიანობის ფორმალიზება, ხოლო 22 ათასი მოქალაქე დასაქმებულია საზოგადოებრივ სამუშაოებში. 22 ათასი მოქალაქიდან დაახლოებით, 21 ათასი არის ადგილობრივი მუნიციპალიტეტების დონეზე შექმნილი ვაკანსიები. ძირითადი აქტივობები არის სკვერების, არხების, გზების, შენობების დალაგება, გაახლება, მცირედი სარეაბილიტაციო სამუშაოები. მათ შორის, 45 სოციალურად დაუცველი აქტიურად იყო ჩართული ხანძრის ქრობის პროცესში და არაერთი წარმატებული პროექტი განხორციელდა მუნიციპალიტეტების დონეზე საზოგადოებრივ სამუშაოებში ჩართული სოციალურად დაუცველი მოქალაქეების მიერ და მათი მხარდაჭერით“, - განაცხადა ბარკალაიამ და დასძინა, რომ პროგრამაში მოქალაქეების იძულების მექანიზმი ჩადებული არ არის, განსხვავებით ევროპული ქვეყნების გამოცდილებისა.

„პირიქით, წახალისების მექანიზმი გვაქვს ჩადებული, რომ დასაქმების შემთხვევაში 4-წლიანი დამატებითი ბენეფიტი ექნებათ, არ დასაქმების შემთხვევაში პერიოდული გადამოწმება“, - განაცხადა ბარკალაიამ.

მისივე განმარტებით, ცენტრალური ბიუჯეტიდან პროგრამისთვის 40 მილიონი ლარია გამოყოფილი.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი