ევროპის მობილობის კვირეული გაიხსნება

16 სექტემბერს, სასტუმრო „თბილისი მარიოტში“ ევროპის მობილობის კვირეული კონფერენციით გაიხსნება, რომლის მთავარი გზავნილია „უკეთესი კავშირები“ (Better connections), რაც უკეთესად შეკავშირებულ ტრანსპორტს და პანდემიური იზოლაციის შემდეგ, ხალხის ერთმანეთთან უკეთ დაკავშირებას გულისხმობს.

ორგანიზატორების ცნობით, ღონისძიება თბილისის მერიისა და ორგანიზაცია „საქართველოს ალიანსი უსაფრთხო გზებისთვის“ ორგანიზებით და საქართველოში გაეროს მუდმივი წარმომადგენლობის, სადაზღვევო კომპანია „ჯიპიაი ჰოლდინგისა“ და GIZ-ის მხარდაჭერით იმართება.

მათივე ინფორმაციით, კონფერენციას ქალაქ თბილისის მერის მოადგილე ანდრია ბასილაია, საქართველოს პარლამენტის გარემოს დაცვისა და ბუნებრივი რესურსების კომიტეტის თავმჯდომარე მაია ბითაძე, გაეროს მუდმივი კოორდინატორი საქართველოში საბინე მახლი გახსნიან. ღონისძიებას სახელმწიფო უწყებების, დიპლომატიური კორპუსის, კერძო სექტორის წარმომადგენლები თუ დარგის ექსპერტები დაესწრებიან.

„ღონისძიების განმავლობაში მონაწილეები შეკავშირებული საზოგადოებრივი ტრანსპორტის მდგრად განვითარებაზე სხვადასხვა ევროპული ქალაქის გამოცდილებას მოისმენენ და ასევე, ქალაქ თბილისის სატრანსპორტო პოლიტიკის გეგმებზეც ისაუბრებენ.

წლების განმავლობაში მოტორიზაციის ზრდამ და ავტოტრანსპორტის ემისიებმა ატმოსფერული ჰაერის დაბინძურება გამოიწვია, რაც ადამიანის ჯანმრთელობაზე უარყოფით გავლენას ახდენს. სწორედ ამიტომ ევროპის მობილობის კვირეულის მიზანია, ავტოტრანსპორტით გამოფრქვეული ემისიები შემცირდეს, რისი მიღწევაც შესაძლებელია ეკო-მეგობრული და კარგად შეკავშირებული საზოგადოებრივი ტრანსპორტის აქტიური გამოყენებით.

2022 წელს ევროპის მობილობის კვირეულში 2 000-ზე მეტი ქალაქი და 41 ქვეყანა მონაწილეობს. კვირის განმავლობაში მსოფლიო მასშტაბით. არაერთი აქტივობა არის დაგეგმილი. ევროპის მობილობის კვირეულის განმავლობაში სხვადასხვა ღონისძიებები იგეგმება. მათ შორის, კავკასიის ველო ქსელთან პარტნიორობით, 17 და 22 სექტემბერს ქ. თბილისის სხვადასხვა უბნებში ველო მსვლელობა მოეწყობა“, - აღნიშნულია გავრცელებულ ინფორმაციაში.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა