ახალი სასწავლო წლის დაწყებასთან დაკავშირებით აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, აფხაზეთის განათლებისა და კულტურის მინისტრ ეკა ხოფერიასთან ერთად, თბილისში, აფხაზეთის მე-2 და მე-3 საჯარო სკოლებში იმყოფებოდა. ინფორმაციას აფხაზეთის ავტონომიური რესპუბლიკის მთავრობა ავრცელებს.

უწყების ცნობით, მთავრობის თავმჯდომარემ და განათლების მინისტრმა მოსწავლეებსა და მასწავლებლებს სწავლის დაწყება მიულოცეს და წარმატებები უსურვეს. რუსლან აბაშიძემ პედაგოგებს მადლობა გადაუხადა გაწეული საქმიანობისთვის და აფხაზეთის საჯარო სკოლებში დაგეგმილი ინფრასტრუქტურული სიახლეების შესახებ ინფორმაცია მიაწოდა.