პეტრე კანკავა - მომავალ წელს ქუთაისის საერთაშორისო აეროპორტში მილიონზე მეტ მგზავრს ველოდებით, იმედი გვაქვს, რომ მათი დიდი ნაწილი ჭიათურას ესტუმრება

ჭიათურა სათავგადასავლო ტურიზმის საერთაშორისო ფესტივალს Adventure 2022 მასპინძლობს.

საქართველოს აეროპორტების გაერთიანების (UAG) ინფორმაციით, Adventure 2022 დღეს, ფესტივალის ორგანიზატორმა ნატალია პატარიძემ გახსნა.

ღონისძიებაში მონაწილეობა მიიღეს ადგილობრივი ხელისუფლების წარმომადგენლებმა, ასევე ფესტივალი მხარდამჭერმა და პარტნიორმა ორგანიზაციებმა. სტუმრებს სიტყვით მიმართა საქართველოს აეროპორტების გაერთიანების (UAG) დირექტორის მოადგილემ.

პეტრე კანკავას განცხადებით, ჭიათურას საქართველოში ერთ-ერთ უმნიშვნელოვანეს ტურისტულ ზონად ჩამოყალიბების დიდი პოტენციალი აქვს. ამაში კი, თავის წვლილს ქუთაისის საერთაშორისო აეროპორტიც შეიტანს, რომელსაც იმერეთის რეგიონში და ზოგადად, მთელს საქართველოში ჩამომყვანი, ისე გამყვანი ტურიზმის მიმართულებით უმნიშვნელოვანესი ადგილი უკავია.

"ჭიათურისთვის და ზოგადად, იმერეთის რეგიონისთვის დღეს უმნიშვნელოვანესი დღეა. მიხარია, ქუთაისის საერთაშორისო აეროპორტის ოპერატორი კომპანია საქართველოს აეროპორტების გაერთიანება საერთაშორისო ტურისტული ფესტივალის მხარდამჭერია. დარწმუნებული ვარ, რომ ის ტურისტები, რომლებიც ქუთაისის საერთაშორისო აეროპორტით ისარგებლებენ და მომავალ წელს ჩვენ მილიონზე მეტს მგზავრს ველოდებით, მათი დიდი ნაწილი ჩამოვა ჭიათურაში და დაათვალიერებენ ამ უნიკალურ ლანდშაფტს, კულტურული მემკვიდრეობის ბრწყინვალე ნიმუშებს და ამით მეტი შემოსავალი გაუჩნდება რეგიონს”, - განაცხადა პეტრე კანკავამ.

აეროპორტების გაერთიანების ინფორმაციით, საერთაშორისო ტურისტული ფესტივალი კომპანია „ჯორჯიან მანგანეზის“ და მისი ქვე-ბრენდის Imereti Tour-ის ინიციატივითა და ფინანსური მხარდაჭერით ტარდება. სამი დღის მანძილზე ფესტივალის სტუმრებს შესაძლებლობა აქვთ სხვადასხვა ექსტრემალური სპორტის სახეობაში ჩაერთონ.

ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
მამუკა გამყრელიძე - პუტინისთვის საბედისწერო აღმოჩნდა შანხაის  სამიტი, მან სამარყანდში დაინახა, რომ  მარტო დარჩა, ამიტომაც შეცვალა ომის მიზანი
ქართული პრესის მიმოხილვა 03.10.2022
ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა
ქართული ციფრული ბანკების გლობალური აღიარება
ვოლტი ზუგდიდშია