ილიაუნის ზოოლოგიის ინსტიტუტის მკვლევარმა ბუგრის აქამდე უცნობი ორი სახეობა აღწერა

ილიას სახელმწიფო უნივერსიტეტის ზოოლოგიის ინსტიტუტის თანამშრომელმა შალვა ბარჯაძემ უცხოელ კოლეგებთან ერთად ბუგრის აქამდე უცნობი ორი ახალი სახეობა აღწერა. ინფორმაციას ილიას სახელმწიფო უნივერსიტეტი ავრცელებს.

ორივე აღწერა ჟურნალ Zootaxa-ში გამოქვეყნდა.

მკვლევარმა შალვა ბარჯაძემ კოლეგებთან - სუსან ჰალბერტთან, მეთიუ მურსა (მცენარეთა ინდუსტრიის განყოფილება, გეინსვილი, ფლორიდა, აშშ) და მარიუშ კანტურსკისთან (სილესიის უნივერსიტეტი კატოვიცეში, პოლონეთი) - ერთად მეცნიერებისთვის აქამდე უცნობი ბუგრის ახალი სახეობა Pleotrichophorus blackmani sp. n. უფრთო და ფრთიან პართენოგენეზურ მდედრებსა და კვერცხმდებ მდედრებზე დაყრდნობით აღწერა.

„ახალი სახეობის აღწერილი ბუგრი ბინადრობს Euthamia graminifolia (L.) Nutt. (Asteraceae)-ზე ფლორიდის შტატში, აშშ. აღწერის პროცესში მასკანირებელი ელექტრონული და სინათლის მიკროსკოპების გამოყენება მოხდა. პირველადაა მოცემული Pleotrichophorus glandulosus (Kaltenbach, 1846)-ის უფრთო პართენოგენეზური მდედრების SEM მიკროფოტოებიც. მოცემულია Euthamia-ზე მობინადრე ბუგრების სარკვევი უფრთო პართენოგენეზურ მდედრებზე დაყრდნობით.

კიდევ ერთი აქამდე უცნობი ახალი სახეობის ბუგრი Pistacia palaestina Boiss. (Anacardiaceae)-ზე მობინადრე Geoica inbari sp. nov. მკვლევარმა შალვა ბარჯაძემ კოლეგებთან - სუსან ჰალბერტსა (მცენარეთა ინდუსტრიის განყოფილება, გეინსვილი, ფლორიდა, აშშ) და რაქელ ბენ-შლომოსთან (ჰაიფის უნივერსიტეტი, ისრაელი) - ერთად აღწერა.

აღწერილია უფრთო ფუნდატრიგენიებზე, ფრთიან მიგრანტებზე (ფუნდატრისპურიებზე), ფრთიანი მიგრანტების სხეულში არსებულ უფრთო ექსულების ემბრიონებსა და ფრთიანი მიგრანტის მიერ შობილი უფრთო ექსულის პირველი სტადიის ლარვაზე დაყრდნობით, რომლებიც შეგროვებული ჩრდილოეთ ისრაელის მთა ჰერმონის რაიონში.

ახალი სახეობა განსხვავდება Geoica-ის ყველა ცნობილი სახეობებისაგან თავისი მიტოქონდრიული დნმ-ით, და გალების ფორმით იმ სახეობებისაგან, რომლებიც ცნობილი არიან Pistacia-დან. ახალი სახეობის ბუგრი აკეთებს მარჯნის ფორმის გალებს, როდესაც ყველა სახეობა ამ გვარიდან წარმოქმნიან სფეროსებურ გალებს.

ამასთან, ახალი სახეობა Geoica utricularia-ის ჯგუფის წევრია და მორფოლოგიურად Geoica wertheimae Brown & Blackman, 1994-ს ჰგავს”,- აღნიშნულია გავრცელებულ ინფორმაციაში.

ლევან ლორთქიფანიძე - აღმასრულებელი და საკანონმდებლო ორგანოების საგარეო პოლიტიკა არ არის აცდენილი ერთმანეთს - დარწმუნებული ვარ, ვენეციის კომისიის რეკომენდაციების უარყოფის გადაწყვეტილება ირაკლი კობახიძის გარეშე არ მიღებულა
ქართული პრესის მიმოხილვა 26.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას