ირაკლი კობახიძე - ჩვენ სანქციებს არ ვუერთდებით, მაგრამ მეორე მხრივ, საქართველო არავითარ შემთხვევაში არ იქნება გამოყენებული სანქციებისთვის გვერდის ავლის ინსტრუმენტად
ჩვენ გვაქვს მარტივი პრინციპები, ეს არის ის, რომ სანქციებს არ ვუერთდებით, -ამის შესახებ „ქართული ოცნების“ თავმჯდომარე, ირაკლი კობახიძემ ჟურნალისტებს განუცხადა.
ის მედიაში გავრცელებულ ინფორმაციას გამოეხმაურა, რომლის თანახმად, აშშ-მ დაასანქცირა ირანული თვითმფრინავი, რომელმაც სავარაუდოდ, საქართველოს საჰაერო სივრცე გადაკვეთა.
ირაკლი კობახიძის თქმით, საქართველო არავითარ შემთხვევაში არ იქნება გამოყენებული სანქციებისთვის გვერდის ავლის ინსტრუმენტად.
„ჩვენ გვაქვს მარტივი პრინციპები, ეს არის ის, რომ სანქციებს არ ვუერთდებით, მაგრამ მეორე მხრივ, საქართველო არავითარ შემთხვევაში არ იქნება გამოყენებული სანქციებისთვის გვერდის ავლის ინსტრუმენტად. ეს არის ჩვენი პრინციპი და რა თქმა უნდა, ამ პრინციპს ბოლომდე გავყვებით. ამ პრინციპს ვიცავდით დღემდე და მომავალშიც დავიცავთ. თუ დავინახავთ, რომ რაღაც ქმედება ნიშნავს სანქციებისთვის გვერდის ავლას, ბუნებრივია, შესაბამისი პოზიცია გვექნება“, - განაცხადა კობახიძემ.
მის თქმით, ამ თემაზე განმარტება ეკონომიკის მინისტრმაც გააკეთა.
„ეს განმარტება სწორედ იმას გულისხმობდა, რომ ჩვენ არ დაგვიშვია სანქციებისთვის გვერდის ავლა. თუ გამომავალში გარემოებები შეიცვლება ან უკვე შეცვლილი არის, ამას ეკონომიკის სამინისტრო გადახედავს“,-განაცხადა კობახიძემ.
v-if="article.gallery" v-html="article.gallery"
