ეკონომიკისა და მდგრადი განვითარების მინისტრის მოადგილე მარიამ ქვრივიშვილი გაეროს მსოფლიო ტურიზმის ორგანიზაციის (UNWTO) ღვინის ტურიზმის რიგით მე-6 გლობალურ კონფერენციაში მონაწილეობს, რომელიც იტალიის ქალაქ ალბაში იმართება.

ეკონომიკისა და მდგრადი განვითარების სამინისტროს მიერ გავრცელებული ინფორმაციით, ქვრივიშვილი სიტყვით გამოვა მაღალი დონის სესიაზე, რომელიც ღვინის ტურიზმის განვითარების სამომავლო მიმართულებებს შეეხება.

„საქართველოს დელეგაციას ასევე წარმოადგენს ტურიზმის ეროვნული ადმინისტრაციის ხელმძღვანელის მოადგილე თამარ ყორიაული.

კონფერენციაში ასევე მონაწილეობენ იტალიის, პორტუგალიის, საბერძნეთის, მოლდოვის, სან-მარინოს, სერბიისა და ბულგარეთის მაღალი დონის წარმომადგენლები.

გლობალური კონფერენციის მთავარი თემაა ინოვაციები ღვინის ტურიზმის სამომავლო განვითარების პროცესში, აგრეთვე ყურადღება გამახვილდება ტურიზმის ამ მიმართულების მდგრად განვითარებაზე, ასევე რა ტიპის შესაძლებლობები არსებობს, რათა ციფრული და სოციალური ტექნოლოგიების გამოყენებით უფრო მეტად გამოიკვეთოს და გაიზარდოს ღვინის ტურიზმისა და მეღვინეობის მხარეების უპირატესობები“, - ნათქვამია გავრცელებულ ინფორმაციაში.