ირაკლი ქადაგიშვილი - ადამიანები საკუთარი ყურით ისმენდნენ, როგორ გვეუბნებოდნენ კონგრესმენები, ევროპარლამენტარები: გაისეირნეთ აფხაზეთში, ოსეთში, რატომ უნდა იხოცებოდნენ მარტო უკრაინაში

ადამიანები საკუთარი ყურით ისმენდნენ, როგორ გვეუბნებოდნენ კონგრესმენები, ევროპარლამენტარები: გაისეირნეთ აფხაზეთში, ოსეთში, რატომ უნდა იხოცებოდნენ მარტო უკრაინაში, თქვენ რატომ არ ხართ საომარ მოქმედებებში - კარგი იქნება თუ მათაც ეტყვიან, რომ ასეთი განცხადებები აზიანებს საერთო სოლიდარობას, - ასე ეხმიანება საპროცედურო საკითხთა და წესების კომიტეტის თავმჯდომარე ირაკლი ქადაგიშვილი ჟურნალისტებთან ევროკავშირის ახალი ელჩის განცხადებას, რომ მეორე ფრონტზე განცხადებები სრული სისულელე და აბსურდია.

ქადაგიშვილი აცხადებს, რომ კარგია, თუკი მსოფლიო ფიქრობს, რომ საქართველო ომში არ უნდა ჩაერთოს და ეს მხოლოდ ცალკეული პოლიტიკოსების მოსაზრებებია.

"სანამ ოთხეულმა არ დაიწყო ამაზე საუბარი, არც ერთ უცხოელ პარტნიორს არ უთქვამს, რომ საქართველოს მეორე ფრონტის გახსნა, რასაც მოუწოდებდა ოპოზიცია, გარკვეული ევროპარლამენტის დეპუტატები, უკრაინის ხელისუფლების წარმომადგენლები, ამას არც ერთი არ გამიჯვნია. მხოლოდ მას შემდეგ, რაც ეს ხალხისთვის შემაშფოთებელი გახდა და შეკითხვები დაისვა, ამის შემდეგ მოხდა მათი მხრიდან განცხადება, რომ ეს არ შეესაბამება სიმართლეს. კარგია, თუ მსოფლიო არ ფიქრობს, რომ საქართველო უნდა იყოს ჩართული ომში მეორე ფრონტის სახით და თუ ეს არის მხოლოდ ცალკეული პოლიტიკოსების განცხადება, მათ შორის, ევროპაში და უკრაინის ხელისუფლებაში. კარგი იქნება, თუ მათაც ეტყვიან, რომ ასეთი განცხადებები აზიანებს ჩვენს საერთო სოლიდარობას,"- განაცხადა ქადაგიშვილმა.

კითხვაზე, რას ნიშნავს, როცა ევროკავშირის და აშშ- ის ელჩის მკაფიო განცხადებების შემდეგ ირაკლი კობახიძე ამბობს, რომ ოთხეულის განცხადებები რომ დეზინფორმაცია იყოს, გაემიჯნებოდნენ, ქადაგიშვილი პასუხობს, რომ ადამიანები საკუთარი ყურით ისმენდნენ მათ შორის, ევროპარლამენტარების და ამერიკელი კონგრესმენების განცხადებებს.

"სწორედ ამას ნიშნავს, ვფიქრობ, ადამიანები, რომლებსაც ორი თვალი და ორი ყური აქვთ, თავისი თვალებით ხედავდნენ და ისმენდნენ, როგორ გვეუბნებოდნენ კონგრესმენები, (ევროპარლამენტის) დეპუტატები, გაისეირნეთ აფხაზეთში, ოსეთში, დრო არის, რატომ უნდა იხოცებოდნენ მარტო უკრაინაში, თქვენ რატომ არ ხართ საომარ მოქმედებებში, ამას ხომ უსმენდით?"- განაცხადა ქადაგიშვილმა.

რეპლიკაზე, რომ კონგრესმენების და ევროპარლამენტარების მსგავსი მოწოდება არ გვახსოვს, ქადაგიშვილი პასუხობს, რომ შეგვიძლია ჩვენსავე არქივს გადავხედოთ და ვნახავთ.

ცნობისათვის, ევროკავშირის ახალმა ელჩმა საქართველოში "ინტერპრესნიუსთან" ინტერვიუში განაცხადა, რომ ე.წ. ოთხეულის განცხადებები ე.წ. მეორე ფრონტზე სრული სისულელე და აბსურდია და როცა ამას ამბობს, არის იმდენად უხეში, რამდენადაც შეუძლია.

ოთხეულის განცხადებებს გამოეხმაურა ირაკლი კობახიძეც. მისი თქმით, რომ ფიქრობდნენ, რომ ისინი რასაც საუბრობენ, დეზინფორმაცია და სიცრუეა, სრულიად გაემიჯნებოდნენ.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი