კახა კალაძის განცხადებით, თუ არსებულ საგზაო ინფრასტრუქტურაში ავტობუსებს დაამატებენ, ეს დამატებით პრობლემას შექმნის და გადაადგილება შეუძლებელი იქნება

თბილისის მერის, კახა კალაძის განცხადებით, თუ არსებულ საგზაო ინფრასტრუქტურაში ავტობუსებს დაამატებენ, ეს კიდევ დამატებითი პრობლემის შექმნა იქნება ქალაქისთვის და გადაადგილება შეუძლებელი იქნება.

როგორც მან თბილისის მთავრობის სხდომაზე განმარტა, ავტობუსების რაოდენობის თვალსაზრისით დედაქალაქს არანაირი პრობლემა არ აქვს. მისი თქმით, დღეს 672 ავტობუსი ემსახურება თბილისის მოსახლეობას და დაახლოებით 140 ავტობუსი არის რეზერვში.

„მოსახლეობაში არსებობს მოსაზრება, რომ საზოგადოებრივი ტრანსპორტის დამატებით პრობლემა მოგვარდება, თუმცა, თუ არსებულ ინფრასტრუქტურაში ავტობუსებს დავამატებთ, ეს კიდევ დამატებითი პრობლემის შექმნა იქნება ქალაქისთვის, დამატებით ჩავხერგავთ მოძრაობას და შეუძლებელი იქნება გადაადგილება. ავტობუსების რაოდენობის თვალსაზრისით დედაქალაქს არანაირი პრობლემა არ აქვს. პრობლემას იწვევს არსებული საგზაო ინფრასტრუქტურა, რომელიც ვერ ახერხებს ავტობუსებისა და ავტომობილების გარკვეული რაოდენობის გატარებას. ამიტომ ვსაუბრობთ და ვახორციელებთ პროექტებს, რომ ავტობუსებისთვის შესაბამისი ზოლები გავაჩინოთ, რადგან დღის განმავლობაში ძალიან ბევრი ადამიანი გადაჰყავს საზოგადოებრივ ტრანსპორტს, რომ ყველანაირად მოწესრიგებული იყოს და უპრობლემოდ შეძლონ გადაადგილება. ჩვენ გვყავს 860 ახალი ავტობუსი, აქედან 672 ერთეული დადის ხაზზე და თბილისის მოსახლეობას ემსახურება. წინა წლების განმავლობაში, როდესაც ყვითელი ავტობუსები გადაადგილდებოდა, რომელიც უდიდესი პრობლემა იყო გამონაბოლქვის, კომფორტულობის თვალსაზრისით, დაახლოებით 430 ავტობუსი ემსახურებოდა ქალაქს. დღეს 672 ავტობუსი ემსახურება თბილისის მოსახლეობას და დაახლოებით 140 ავტობუსი გვყავს რეზერვში, როდესაც ერთი ავტობუსი დაზიანდება ან რაიმე პრობლემა შეექმნება, ჩანაცვლება ხდება“,-განაცხადა კალაძემ.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 03.10.2022
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა