დავით ნარმანიამ ენერგეტიკის სასწავლო ცენტრის ახალი სასწავლო კურსის მონაწილეებისთვის ლექცია წაიკითხა

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარემ დავით ნარმანიამ, სემეკთან არსებული ელიზბარ ერისთავის სახელობის ენერგეტიკის სასწავლო ცენტრის ელექტროენერგეტიკის სექტორის რეგულირების კურსის მონაწილეებისთვის ლექცია წაიკითხა. ამის შესახებ ინფორმაციას სემეკი ავრცელებს.

მათივე ინფორმაციით, სემეკის თავმჯდომარის, დავით ნარმანიას სალექციო თემა ენერგეტიკის ბიზნესს შეეხებოდა.

„დავით ნარმანიამ ლექციის ფარგლებში ისაუბრა ენერგეტიკის სექტორზე, როგორც ეკონომიკისათვის ერთ-ერთ წამყვან მიმართულებაზე, მიმოიხილა ენერგეტიკული ბიზნესის სუბიექტები, ყურადღება გაამახვილა ენერგეტიკის სექტორში მიმდინარე რეფორმირების პროცესზე, სახელმწიფოს როლზე ენერგეტიკაში, კონკურენციის განვითარების მნიშვნელობაზე, მომხმარებელთა ინტერესების დაცვის აუცილებლობაზე, ენერგეტიკული ბიზნესის მართვასა და კორპორატიულ სოციალურ პასუხისმგებლობაზე.

ელექტროენერგეტიკის სექტორის კურსის ფარგლებში მონაწილეები გაეცნობიან სექტორის ძირითად საკანონმდებლო ჩარჩოს, დარგის განვითარების ტექნიკურ შესაძლებლობებს, სატარიფო რეგულირების, ბაზრების მონიტორინგისა და ენერგეტიკული ბირჟის ფუნქციონირების საკითხებს. კურსის დასრულების შემდეგ გაიცემა სერტიფიკატი. კურსის მონაწილეებს ტრენინგებს უტარებენ სემეკის შესაბამისი კვალიფიკაციის მქონე თანამშრომლები და სხვა უწყებების ხელმძღვანელი პირები“, - ნათქვამია ინფორმაციაში.

ვახტანგ ძაბირაძე - ემოციური ზაფხული და არანაკლებ სახიფათო შემოდგომა გველის
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)