ბსუ-ში ახალი სასწავლო წელი დაიწყო

ბათუმის შოთა რუსთაველის სახელმწიფო უნივერსიტეტში ახალი სასწავლო წელი დაიწყო. ამის შესახებ ინფორმაციას ბსუ ავრცელებს.

მათივე ინფორმაციით, პირველკურსელებს სასწავლო წლის დაწყება უნივერსიტეტის რექტორმა მერაბ ხალვაშმა, ფაკულტეტების დეკანებმა და პროფესორ-მასწავლებლებმა მიულოცეს და წარმატებები უსურვეს.

„პირველკურსელებისათვის გამართულ საინფორმაციო შეხვედრებზე სტუდენტებმა დეტალური ინფორმაცია მიიღეს სწავლის პირობებისა და სტუდენტური სერვისების შესახებ. 2022-2023 სასწავლო წლისთვის ბსუ-ს საბაკალავრო საგანმანათლებლო პროგრამები პირველკურსელებით სრულად დაკომპლექტდა, ერთიანი ეროვნული გამოცდებით ბსუ-ში 1380 პირველკურსელი ჩაირიცხა. საბაკალავრო პროგრამების შევსების მაჩვენებელი გასული წლებისაგან განსხვავებით რეკორდულად გაიზარდა და შეადგენს 98,6 %-ს. 156%-ით მოიმატა ასევე სახელმწიფო სასწავლო გრანტის მქონე აბიტურიენტთა რიცხვმა.

სტუდენტებს სწავლის დაწყება მიულოცეს სხვადასხვა ორგანიზაციის წარმომადგენლებმა. თამაზ ბექაიას საგანმანათლებლო ფონდის ხელმძღვანელმა ლევან ბექაიამ ბსუ-ში ყველაზე მაღალქულიან პირველკურსელ სტუდენტს ლელა მახარაძეს პრემია გადასცა 1 500 ლარის ოდენობით, ხოლო საქართველოს ბანკის რეგიონულმა წარმომადგენელმა დავით ბერიძემ ბანკის სახელით 100%-იანი გრანტის მფლობელებს ერთჯერადი სტიპენდიის სახით 300-ლარიანი ვაუჩერი.

ბსუ-ს ათი მოთხოვნადი პროგრამაა: ფსიქოლოგია, კომპიუტერული მეცნიერება, ისტორია, ზოგადი განათლების დაწყებითი საფეხურის მასწავლებლის მომზადების ინტეგრირებული საბაკალავრო-სამაგისტრო საგანმანათლებლო პროგრამა, სამართალმცოდნეობა, ქართული ფილოლოგია, ინგლისური ფილოლოგია, სტომატოლოგია, საჯარო მმართველობა და ეკონომიკა.

უნივერსიტეტის 7 ფაკულტეტზე 7 000-მდე სტუდენტი სწავლობს, მათ შორის 500-მდე უცხოელი“, - ნათქვამია ინფორმაციაში.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა