ეგზიტპოლის თანახმად, იტალიის ვადამდელ საპარლამენტო არჩევნებში მემარჯვენე ალიანსი ლიდერობს, რომელსაც ულტრამემარჯვენე ჯორჯია მელონის პარტია „იტალიის ძმები“ ხელმძღვანელობს.

ეს იმას ნიშნავს, რომ, ალიანსის უდიდესი პარტიის ხელმძღვანელი, საბოლოო გამარჯვების შემთხვევაში, იტალიის პირველი ქალი პრემიერ-მინისტრი გახდება.

RAI -ს ეგზიტპოლის თანახმად, კონსერვატიული პარტიების ბლოკმა, რომელიც პარტია „იტალიის ძმების“ გარდა მატეო სალვინის პარტია „ლიგა“ და სილვიო ბერლუსკონის პარტია „წინ იტალიასაც“ აერთიანებს, ხმების 41-45% მოიპოვა, რაც საკმარისია იმისთვის, რომ პარლამენტის ორივე პალატა გააკონტროლოს.

RAI-ს პროგნოზით, მემარჯვენე ალიანსი პარლამენტის ქვედა პალატაში 400 ადგილიდან 227-257-ადგილს მოიპოვებს, სენატის 200 ადგილიდან კი - 111-131-ს.

შეგახსენებთ, იტალიაში საპარლამენტო არჩევნები გუშინ გაიმართა. ქვეყნის შინაგან საქმეთა სამინისტროს ინფორმაციით, არჩევნებზე ამომრჩეველთა აქტივობა საკმაოდ დაბალი - 63.82% იყო.