შალვა პაპუაშვილი - ჩვენთვის მნიშვნელოვანია უკრაინის ტერიტორიული მთლიანობა, შესაბამისად, არანაირ „რეფერენდუმებს“ ძალა არ აქვს

ჩვენთვის აბსოლუტურად მიუღებელია ნებისმიერი ყალბი და ფსევდო რეფერენდუმები, საზღვრების შეცვლა ძალით არის შეუძლებელი და დაუშვებელი, - ამის შესახებ პარლამენტის თავმჯდომარემ, შალვა პაპუაშვილმა განაცხადა.

როგორც ის განმარტავს, უკრაინის ტერიტორიული მთლიანობა საქართველოსთვის მნიშვნელოვანია.

„ტერიტორიული მთლიანობა საერთაშორისო სამართლის ის პრინციპია, რომელიც ყველამ უნდა აღიაროს. რა თქმა უნდა, ჩვენთვის მნიშვნელოვანია უკრაინის ტერიტორიული მთლიანობა და ტერიტორიული მთლიანობის აღდგენა, რაც ახლა უკრაინაში მიმდინარეობს, შესაბამისად, არანაირ რეფერენდუმს ძალა არ აქვს“, - განაცხადა პაპუაშვილმა.

შეგახსენებთ, უკრაინის ოთხი რეგიონის ოკუპირებულ ტერიტორიებზე რუსეთთან შეერთების საკითხზე ე.წ. რეფერენდუმები გაიმართა. სეპარატისტული რეჟიმების მტკიცებით, რეგიონების მოსახლეობამ რუსეთთან შეერთებას დაუჭირეს მხარი.

გუშინ ცნობილი გახდა, რომ დღეს, კრემლში რუსეთის შემადგენლობაში ოთხი ახალი ტერიტორიის - ე.წ. "დონეცკის და ლუგანსკის სახალხო რესპუბლიკების", ასევე ხერსონისა და ზაპოროჟიეს რეგიონების შესვლის შესახებ ხელშეკრულებების ხელმოწერის ცერემონია გაიმართება. ღონისძიებას ვლადიმერ პუტინი და დეპუტატებიც დაესწრებიან.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს