გაერთიანებული სამეფოს თავდაცვის მინისტრი, ბენ უოლესი კიევს ეწვია, - ამის შესახებ თავად მინისტრმა „ტვიტერზე“ დაწერა.

კიევში ყოფნის დროს უოლესი უკრაინელ კოლეგას, ოლექსი რეზნიკოვს შეხვდა.

"მოხარული ვარ, რომ ამ კვირაში ვესტუმრე ჩემს კარგ მეგობარს ოლექსი რეზნიკოვს, რათა განგვეხილა უკრაინისთვის მეტი სამხედრო დახმარების მიწოდება. ჩვენი მხარდაჭერა რუსეთის აგრესიის წინააღმდეგ მათ ბრძოლაში იზრდება და იზრდება და გაგრძელდება 2023 წლამდე და მის შემდეგაც", - წერს უოლესი.

ვიზიტი წინასწარ არ გამოცხადებულა.