საქართველოს მთავრობის გადასაწყვეტია, როგორი რეაგირება ექნება ამ უპრეცედენტო „ვიზიტზე“, - ამის შესახებ საქართველოში ევროკავშირის ელჩმა, პაველ ჰერჩინსკიმ ოკუპირებულ აფხაზეთში ბელარუსის პრეზიდენტის ალექსანდრე ლუკაშენკოს ჩასვლასთან დაკავშირებით განაცხადა.

„მე გავიმეორებ ევროკავშირის პოზიციას, რომ ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში. ჩვენ დავგმეთ აფხაზეთის რეგიონში ე.წ. პრეზიდენტის „ვიზიტი“, რადგან ლუკაშენკო არ არის ბელარუსის ლეგიტიმური პრეზიდენტი, ეს „ვიზიტი“ მიუღებელია, მაგრამ საქართველოს მთავრობის რეაქცია მისი გადასაწყვეტია“, - აღნიშნა ელჩმა.