პუტინის საბჭოური ნეოიმპერიალისტური ხედვა საფრთხეს უქმნის მთელი ევროპული კონტინენტის უსაფრთხოებას, - ამის შესახებ იტალიის საპარლამენტო არჩევნებში გამარჯვებული პარტიის “იტალიის ძმების” ლიდერმა ჯორჯია მელონიმ განაცხადა.

მელონის თქმით, ფსევდორეფერენდუმების შედეგად რუსეთის მიერ უკრაინის ოკუპირებული ტერიტორიების ანექსიას არანაირი იურიდიული ან პოლიტიკური ღირებულება არ გააჩნია.

“პუტინმა კვლავ აჩვენა თავისი საბჭოური ნეოიმპერიალისტური ხედვა, რომელიც საფრთხეს უქმნის მთელი ევროპული კონტინენტის უსაფრთხოებას.

რუსეთის მიერ ერებს შორის თანაარსებობის წესების ეს უკანასკნელი დარღვევა ადასტურებს დასავლური დემოკრატიების სიმტკიცისა და ერთიანობის აუცილებლობას”, - განაცხადა მელონიმ.