IBSU  მის კურსდამთავრებულს, როლანდ შავაძეს მასწავლებლის ეროვნულ ჯილდოს ულოცავს

შავი ზღვის საერთაშორისო უნივერსიტეტის კურსდამთავრებული როლანდ შავაძე 2022 წლის მასწავლებლის ეროვნული ჯილდოს მფლობელია. IBSU ულოცავს როლანდს ამ დიდ წარმატებას. ამის შესახებ ინფორმაციას შავი ზღვის საერთაშორისო უნივერსიტეტი ავრცელებს.

როლანდ შავაძის შეფასებით, IBSU-ში საგანმანათლებლო პროგრამის ყველა სასწავლო კურსი მორგებულია პრაქტიკულ საჭიროებაზე. ეს ნიშნავს, რომ ნებისმიერი ფაკულტეტის დასრულების შემდეგ კურსდამთავრებულმა ზუსტად და ხარისხიანად იცის თუ რა უნდა აკეთოს თავის პროფესიაში.

"პირველი აკადემიური ხარისხი ამ უნივერსიტეტში მივიღე და მიმაჩნია, რომ ჩემი პროფესიული განვითარების თუ კარიერული წინსვლის საფუძვლები შავი ზღვის საერთაშორისო უნივერსიტეტშია გამყარებული.

თამამად შემიძლია ვთქვა, რომ უნივერსიტეტში მაღალკვალიფიციური კადრები მუშაობენ, რომლებმაც ზუსტად იციან თუ რას ნიშნავს სტუდენტზე მორგებული სწავლება. თუკი ერთხელ გახდი ,,იბსუელი", ეს ნიშნავს, რომ ლექტორების სახით შენ შეიძინე პროფესიონალი მეგობრები, რომლებიც არა მხოლოდ ოთხი წელი ზრუნავენ შენს განვითარებაზე, არამედ, მთელი ცხოვრება გრძნობ მათ გვერდში დგომას კარიერული წინსვლის ნებისმიერ ეტაპზე", - აღნიშნა როლანდ შავაძემ.

„როლანდი ხულოს მუნიციპალიტეტის სოფელ მეკეიძეების საჯარო სკოლის ინგლისური ენის მასწავლებელია. მან IBSU-ს ინგლისური ფილოლოგიის საბაკალავრო პროგრამა 2015 წელს დაასრულა და მას შემდეგ აქტიურადაა ჩართული საგანმანათლებლო პროექტებში“,- ნათქვამია გავრცელებულ ინფორმაციაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს