გიული ალასანია ირაკლი კობახიძის განცხადებაზე - რას ნიშნავს სპეკულაცია, ამდენი კონსილიუმი შეიქმნა, ამერიკელი ექიმები ჩამოვიდნენ და მთელი მსოფლიო ტყუის?!

რას ნიშნავს სპეკულაცია, ამდენი კონსილიუმი შეიქმნა, ამერიკელი ექიმები ჩამოვიდნენ და მთელი მსოფლიო ტყუის?! - ამის შესახებ საქართველოს მესამე პრეზიდენტის, მიხეილ სააკაშვილის დედამ, გიული ალასანიამ პარტია "ქართული ოცნების" თავმჯდომარის, ირაკლი კობახიძის საპასუხოდ განაცხადა, რომლის თქმით, სააკაშვილის ჯანმრთელობის ირგვლივ საუბარი მხოლოდ პოლიტიკური სპეკულაციაა.

რაც შეეხება კითხვას, რომ სააკაშვილის ჯანმრთელობის მდგომარეობის დასადასტურებლად ფოტო და ვიდეომასალა უნდა გავრცელდეს, ალასანიას განმარტებით, როდესაც საქმე ჯანმრთელობის მდგომარეობას ეხება, ასეთ დროს ანალიზები ტარდება.

,,არ მესმის თუ მაღალი წნევა და ჩქარი პულსი ჰქონდა და მედიკამენტები არ შველოდა, ჯობდა ინექცია გაეკეთებინათ. მაღალი ტემპერატურა და წნევა აქვს უკვე ერთ კვირაზე მეტია.

ფოტო და ვიდეო რა შუაშია? არსებობს ანალიზები, ეს ხომ ჯანმრთელობას ეხება, რომელ ფოტოზე და ვიდეოზეა საუბარი, ასეთ დროს გამოკვლევები ტარდება და იმის მიხედვით იწერება დიაგნოზი. ამ პერიოდში მას არაერთი დიაგნოზი დაეწერა”, - აღნიშნა გიული ალასანიამ.

მან სააკაშვილთან ამერიკელი ექსპერტის შეშვებაზეც ისაუბრა. გიული ალასანიას განმარტებით, ექსპერტის შეშვება დღის ბოლომდე დაჩქარებული წესით უნდა მომხდარიყო, მაგრამ ,,როგორც ჩანს საერთოდ აღარაფერი აღარ არსებობს”.

"მქონდა ინფორმაცია, რომ გუშინ შეიკრიბა შესაბამისი კომისია და თითქოს დათანხმდნენ, რომ ეს ადამიანი უნდა შეეშვათ, მიეცათ მისთვის ლიცენზია. დღეს, დღის ბოლომდე ველოდებოდით, რომ მოხერხდებოდა მისი შეშვება დაჩქარებული ტემპით, მაგრამ როგორც ჩანს საერთოდ აღარაფერი აღარ არსებობს”, - აღნიშნა გიული ალასანიამ.

პარტია „ქართული ოცნების" თავმჯდომარე ირაკლი კობახიძის განცხადებით, ყოველდღიურ რეჟიმში საუბრობენ იმაზე, რომ სააკაშვილის სიკვდილის და ჯანმრთელობის რადიკალურად გაუარესების საფრთხეა. „უკვე ერთი წელია ამაზე საუბარი მიდის და ხალხსაც მოაბეზრეს თავი“, - განაცხადა კობახიძემ.

მისი თქმით, ამ თემაზე განცხადებები მხოლოდ პოლიტიკური სპეკულაციებია.

დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
ქართული პრესის მიმოხილვა 02.12.2022
ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება