პერსონალურ მონაცემთა დაცვის სამსახურმა იტალიის პერსონალურ მონაცემთა დაცვის საზედამხედველო ორგანოსთან ურთიერთთანამშრომლობის მემორანდუმი გააფორმა

იტალიაში, რომში, იტალიის პერსონალურ მონაცემთა დაცვის საზედამხედველო ორგანოს - Garante per la protezione dei dati personali და საქართველოს პერსონალურ მონაცემთა დაცვის სამსახურს შორის ურთიერთთანამშრომლობის მემორანდუმი გაფორმდა. ინფორმაციას ამის შესახებ პერსონალურ მონაცემთა დაცვის სამსახური ავრცელებს.

მათივე ცნობით, მემორანდუმს ხელი იტალიის პერსონალურ მონაცემთა დაცვის საზედამხედველო ორგანოს პრეზიდენტმა, პასკუალე სტაციონემ და საქართველოს პერსონალურ მონაცემთა დაცვის სამსახურის უფროსმა, ლელა ჯანაშვილმა მოაწერეს.

თანამშრომლობა მიზნად პერსონალურ მონაცემთა დაცვის სფეროში საუკეთესო პრაქტიკის გაზიარებაზე ორიენტირებული ღონისძიებების, კონფერენციების, სემინარების ორგანიზებას, ექსპერტების გაცვლას ისახავს.

„ღონისძიებაზე ლელა ჯანაშვილმა საერთაშორისო პლატფორმებსა და ქსელებში პერსონალურ მონაცემთა დაცვის სამსახურის მონაწილეობაზე ისაუბრა და ამ მიმართულებით საზედამხედველო ორგანოებს შორის თანამშრომლობა აღნიშნა, რაც პერსონალურ მონაცემთა დაცვის სამსახურის საერთაშორისო ინსტიტუციური ცნობადობისთვის მნიშვნელოვანია.

იტალიის პერსონალურ მონაცემთა დაცვის საზედამხედველო ორგანოს პრეზიდენტმა, პასკუალე სტაციონემ საქართველოს პერსონალურ მონაცემთა დაცვის სამსახურთან ერთად მემორანდუმის ფარგლებში მჭიდრო თანამშრომლობაზე ისაუბრა.

ურთიერთთანამშრომლობის მემორანდუმის ხელმოწერის ცერემონიას საქართველოს საგანგებო და სრულუფლებიანი ელჩი იტალიის რესპუბლიკაში კონსტანტინე სურგულაძე, კონსული ნატალია კორძაია და 108-ე კონვენციის საკონსულტაციო კომისიის თავმჯდომარე ალესანდრა პიერუჩი ესწრებოდნენ.

ხელმოწერის ცერემონიის შემდგომ იტალიისა და საქართველოს პერსონალურ მონაცემთა დაცვის საზედამხედველო ორგანოების წარმომადგენლებს შორის სამუშაო შეხვედრა გაიმართა, რომელსაც პერსონალურ მონაცემთა დაცვის სამსახურის უფროსის პირველი მოადგილე, ოთარ ჩახუნაშვილი და საერთაშორისო ურთიერთობების, ანალიტიკისა და სტრატეგიული განვითარების დეპარტამენტის უფროსი, ანა თოხაძე ესწრებოდნენ,“ - აღნიშნულია გავრცელებულ ინფორმაციაში.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე