ევროკავშირის პროექტის ფარგლებში საგამოძიებო სამსახურში შეხვედრა გაიმართა
ევროკავშირის მიერ დაფინანსებული პროექტის ფარგლებში - „საჯარო მმართველობის რეფორმის მხარდაჭერა საქართველოში“, ფინანსთა სამინისტროს საგამოძიებო სამსახურში საქართველოში აკრედიტირებული საელჩოების წარმომადგენლებთან გაცნობითი ხასიათის შეხვედრა გაიმართა.
ფინანსთა სამინისტროს საგამოძიებო სამსახურის ინფორმაციით, შეხვედრას ესწრებოდნენ გერმანიის ფედერაციული რესპუბლიკის საელჩოს პოლიციის ატაშე დიდრიხ ებერსი, საფრანგეთის საელჩოს შიდა უსაფრთხოების ატაშე ოლივიე ლეფებვრი და ექსპერტი იგორის კრზეცკოვსკი, გამჭვირვალობისა და ანგარიშვალდებულების უფროსი ექსპერტი - ჰენდრიკუს ვან ბოქსმირი.
უწყების ცნობით, სტუმრებს საგამოძიებო სამსახურის ხელმძღვანელმა პირებმა საგამოძიებო სამსახურის საქმიანობის მიზნები და ამოცანები გააცნეს , ესაუბრნენ საფინანსო - ეკონომიკურ დანაშაულთან მებრძოლი უწყების სამუშაო სპეციფიკის შესახებ, შეხვედრაზე საუბარი შეეხო სამსახურის თანამშრომელთა გადამზადების და ანალიტიკურ - პროგრამული უზრუნველყოფის მიმართულებით მხარდაჭერის პერსპექტივას. შეხვედრაზე მხარეები კონკრეტულ პრიორიტეტულ მიმართულებებზე შეთანხმდნენ.
v-if="article.gallery" v-html="article.gallery"
