რელიგიის საკითხთა სახელმწიფო სააგენტოს ცნობით, დღეს, 14 ოქტომბერს შიიტი მუსლიმები ერთდროულად აღნიშნავენ ორ დღესასწაულს - წინასწარმეტყველ მუჰამადის დაბადების დღეს, რომელიც ტრადიციის მიხედვით, 571 წელს ქალაქ მექაში დაიბადა და მეექვსე იმამის, ჯაფარ ას-სადიკის დაბადების დღეს, რომლის სახელთან ჯაფარიანთა საღვთისმეტყველო-სამართლებრივი სკოლის დაფუძნება არის დაკავშირებული.

რელიგიის საკითხთა სახელმწიფო სააგენტო შიიტურ სამყაროს და საქართველოში მცხოვრებ შიიტ მუსლიმებს ღირსშესანიშნავ დღესასწაულებს ულოცავს და მათ სიკეთეს, მშვიდობას და წარმატებას უსურვებს.