კახა კალაძე საქალაქო სამსახურებს და გამგეობებს ავალებს, იმ კომპანიის  შესრულებული სამუშაოების ინსპექტირება განახორციელონ, რომელსაც ვაკის პარკის შადრევანთან მიმართებაში ყალბი დოკუმენტის მომზადება ბრალდება

დედაქალაქის მერი კახა კალაძე მერიას დაქვემდებარებულ უწყებებს ავალებს, ყველა იმ შესრულებული სამუშაოს ინსპექტირება განახორციელონ, რომლის ექსპერტიზაც შპს „მშენ ექსპერტმა“ შეასრულა.

კახა კალაძის თქმით, ყველაფერი უნდა გაკეთდეს იმისთვის, რომ ვაკის პარკში მომხდარი ტრაგედიის მსგავსი აღარასდროს განმეორდეს.

„მინდა დავავალო მერიის დაქვემდებარებულ ყველა უწყებას, სამსახურებს, გამგეობებს და დაქვემდებარებულ კომპანიებს, განახორციელონ ქალაქის მასშტაბით ყველა იმ შესრულებული სამუშაოს ინსპექტირება არსებულ ნორმებთან და წესებთან შესაბამისობაზე, რომლის ექსპერტიზაც თავის დროზე გაკეთებული აქვს შპს „მშენ ექსპერტს“. ეს არის საექსპერტო ბიურო, რომელსაც გამოძიება ყალბი დასკვნის გაცემას ედავება. სამწუხაროდ, დროს უკან ვეღარ დავაბრუნებთ და დღეს ერთადერთი, რაც თითოეულ ჩვენგანს შეგვიძლია, არის ის, რომ ყველაფერი გავაკეთოთ, რათა აღარასდროს განმეორდეს მსგავსი ტრაგედია. თბილისში სულ უნდა ისმოდეს ბავშვების ჟრიამული, ამას მარიტას ხსოვნას გვავალდებულებს“, - განაცხადა კახა კალაძემ.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
წინანდლის მამულში საგაზაფხულო სეზონი კულტურული ღონისძიებებით გაიხსნა