თსუ-ს სტუდენტთა ნაწილი რექტორის მოვალეობის შემსრულებლის არჩევნებს არალეგიტიმურად მიიჩნევს და აქციას მართავს

ივანე ჯავახიშვილის სახელობის თბილისის სახელმწიფო უნივერსიტეტში სტუდენტთა ნაწილი საპროტესტო აქციას მართავს. ისინი თსუ-ს რექტორის მოვალეობის შემსრულებლის თანამდებობის დასაკავებლად დღეს დაგეგმილ არჩევნებს აპროტესტებენ და მას არალეგიტიმურად მიიჩნევენ.

სტუდენტთა ნაწილი ფიქრობს, რომ დღეს უნივერსიტეტი არის მართული "კლანის" მიერ და ჯაბა სამუშიას რექტორად შესაძლო დანიშვნა აბსოლუტურად მიუღებელია.ისინი რექტორის არჩევის წესის ცვლილებას, სტუდენტებისთვის საერთო საცხოვრების აშენებას და საბინაო სუბსიდიას მოითხოვენ.

სტუდენტთა განცხადებით, ჯაბა სამუშია წინასწარ იყო რექტორის თანამდებობაზე შერჩეული კანდიდატი და უნივერსიტეტში არჩევნები ფორმალურად არის დანიშნული.

"ეს პროცესი არის არალეგიტიმური. თვალს ვერ უსწორებენ სტუდენტებს და ჩუმად ნიშნავენ რექტორს, რომელიც ხელისუფლების მიერ არის დანიშნული უნივერსიტეტში. სოლიდარობა სტუდენტებს, თავისუფლება უნივერსიტეტს", - აცხადებს "მაისის სტუდენტური მოძრაობის" წარმომადგენელი, საბა ქერქაძე.

აღსანიშნავია, რომ თსუ-ს რექტორის მოვალეობის შემსრულებელს აკადემიური საბჭო ფარული კენჭისყრით, სიითი შემადგენლობის უმრავლესობით, არაუმეტეს 6 თვის ვადით დღეს აირჩევს.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო