თამარ არჩუაძე - Wizz Air-ს საქართველოს ავიაბაზარზე კიდევ უფრო გაფართოების პოტენციალი აქვს

ევროპის ყველაზე სწრაფად მზარდი ავიაკომპანია Wizz Air-ის თანადამფუძნებელი და გენერალური დირექტორი, ჯოზეფ ვარადი საქართველოში სამუშაო ვიზიტით იმყოფებოდა. ამის შესახებ ინფორმაციას აეროპორტების გაერთიანება ავრცელებს.

მათივე ცნობით, ვიზიტის ფარგლებში, ჯოზეფ ვარადი საქართველოს ვიცე-პრემიერს, ეკონომიკისა და მდგრადი განვითარების მინისტრს ლევან დავითაშვილს შეხვდა. შეხვედრას საქართველოში უნგრეთის ელჩი, ანა მარია შიკო, ეკონომიკის მინისტრის მოადგილე მარიამ ქვრივიშვილი და საქართველოს აეროპორტების გაერთიანების დირექტორი თამარ არჩუაძე ესწრებოდნენ.

შეხვედრაზე მხარეებმა თანამშრომლობის კიდევ უფრო გაღრმავების გზებსა და სამომავლოდ ახალი მიმართულებების დამატების შესაძლებლობებზე იმსჯელეს.

,,ჩვენ მუდმივად ვმუშაობთ ჩვენს სტრატეგიულ პარტნიორ Wizz Air-თან ახალი მიმართულებების დამატებაზე და არსებულ მიმართულებებზე სიხშირეების ზრდაზე. ჩვენთვის მნიშვნელოვანია მეტი პირდაპირი კავშირი ევროპასთან. უკვე 10 წელია ნაყოფიერი თანამშრომლობა გვაქვს ავიაკომპანიასთან, რომელიც ბოლო წლებში საქართველოს ავიაბაზრის ლიდერია. ამიტომ ვფიქრობთ, რომ Wizz Air-ს საქართველოს ავიაბაზარზე კიდევ უფრო გაფართოების პოტენციალი აქვს‘’, -განაცხადა თამარ არჩუაძემ.

მათივე ცნობით, Wizz Air-ი საქართველოში უკვე 10 წელია ოპერირებს და ქუთაისის საერთაშორისო აეროპორტში 2 ბაზირებული ხომალდი ჰყავს. ამ ეტაპზე ავიაკომპანია ქუთაისიდან 14 ქვეყნის 22 მიმართულებით დაფრინავს.

როგორც გენერალური დირექტორი, ჯოზეფ ვარადი აღნიშნავს, სურთ საქართველოში ბიზნესი კიდევ უფრო განავითარონ.

,,ძალიან ვამაყობთ საქართველოსთან ურთიერთობით და ყველა იმ ბიზნესპარტნიორებთან თანამშრომლობით, რომლებიც თქვენს ქვეყანაში გვყავს. ასევე გვახარებს ის ფაქტი, რომ ვართ საქართველოს ერთ-ერთი უმნიშვნელოვანესი ავიაკომპანია. ძალიან ბევრ საქართველოს მოქალაქეს, ვისაც მოგზაურობა უყვარს, უცხოელ ვიზიტორს, ვისაც თქვენს ქვეყანაში ჩამოსვლა სურს და საქართველოში ნამდვილად ბევრი რამ არის სანახავი, Wizz Air-ი აკავშირებს. უკვე 10 წელია საქართველოში ვოპერირებთ, ჩვენ ბაზაც გვაქვს ქუთაისის საერთაშორისო აეროპორტში. დასაქმებული გვყავს ადგილობრივი მოსახლეობა, ვქმნით სამუშაო ადგილებს, იმ სერვისებისა და საჭიროებების დახმარებით, რომელსაც თქვენს ქვეყანაში ჩვენი არსებული ბაზა მოითხოვს. ძალიან გვსურს, კიდევ უფრო განვავითაროთ ჩვენი ბიზნესი საქართველოში და უფრო მეტი ბაზირებული ხომალდი განვათავსოთ ქუთაისში, რათა მეტი მიმართულება შევთავაზოთ მოგზაურობს და მეტი ადამიანი დავასაქმოთ,-“ განაცხადა ჯოზეფ ვარადიმ.

როგორც ინფორმაციაშია ნათქვამი, ავიაკომპანიის გენერალური დირექტორი და თანადამფუძნებელი პანდემიის შემდეგ, სტრატეგიულად მნიშვნელოვან ქვეყნებს სტუმრობს. მათ შორისაა საქართველო, სადაც ჯოზეფ ვარადი უკვე მესამედ იმყოფებოდა. თბილისში ის სოფიადან ჩამოფრინდა, შემდეგ კი პოლონეთსა და რუმინეთს ესტუმრება.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ქართული პრესის მიმოხილვა 15.04.2024
არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია