ღვინის ეროვნული სააგენტო განცხადებას ავრცელებს

2022 წლის რთველი წარმატებით სრულდება. მთელი ქვეყნის მასშტაბით, ყურძნის მოსავალი ფაქტობრივად დაბინავებულია. ამ ეტაპისთვის ქვეყნის მასშტაბით 246 ათასამდე ტონა ყურძენი გადამუშავდა. ამის შესახებ ინფორმაციას ღვინის ეროვნული სააგენტო ავრცელებს.

სააგენტოს ცნობით, რთველი დასრულებულია რაჭის რეგიონშიც, სადაც 1570 ტონა ალექსანდროულისა და მუჯურეთულის მოსავალია გადამუშავებული. რაჭაში მოსავლის თითქმის 100% - 1 500 ტონამდე კერძო სექტორმა ჩაიბარა. მნიშვნელოვანია აღინიშნოს, რომ 2022 წლის რთველი დროს ყურძნის ძირითადი ნაწილი კერძო სექტორმა ჩაიბარა.

„სახელმწიფოს დაპირება, რომ რთველი ჩაივლიდა ორგანიზებულად და ყველა მევენახე შეძლებდა მოსავლის შეუფერხებლად დაბინავებას, შესრულებულია. შესაბამისად, არცერთ მევენახეს მოსავალი ჩაუბარებელი არ დარჩება.

რაც შეეხება ცაგერის მუნიციპალიტეტში, გარკვეული ჯგუფების უკმაყოფილებისა ყურძნის ფასთან დაკავშირებით, ამის მიუხედავად, ღვინის კომპანიები შეუფერხებლად განაგრძობენ ყურძნის მიღებას. (კერძო კომპანიები მზად არიან 1კგ ცოლიკაურის ჯიშის ყურძენში გადაიხადონ 3.50 ლარი ხარისხის მიხედვით, რაც ცაგერის მუნიციპალიტეტის იმ სოფლებში, სადაც აპროტესტებენ ყურძნის ფასს, არის ყველაზე მაღალი შეთავაზება. გასულ წელს ფასი 3 ლარს არ აღემატებოდა).

ყურძნის ფასს არეგულირებს ბაზარი, სახელმწიფო ფასების რეგულაციაში არ ერევა. აღნიშნული საკითხის მევენახე ფერმერებსა და კერძო სექტორის შეთანხმების საგანია.

იმ შემთხვევაში, თუ კერძო სექტორის მხრიდან არ იქნება მოთხოვნა აღნიშნული ყურძნის შესყიდვაზე, სახელმწიფო კომპანია „მოსავლის მართვის კომპანია“ მზად არის შეიძინოს მევენახეებისგან ყურძენი, რომ მოხდეს მოსავლის სრულად დაბინავება“,- ნათქვამია ინფორმაციაში.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე