ნიკოლოზ ხატიაშვილი საერთაშორისო რესპუბლიკური ინსტიტუტის (IRI) პროქტში „ააშენე საქართველო“ ჩაერთო

„ჯეოქეისის“ მკვლევარი საგარეო პოლიტიკის მიმართულებით და საერთაშორისო მდივანი, ნიკოლოზ ხატიაშვილი საერთაშორისო რესპუბლიკური ინსტიტუტის (IRI) პროექტში „ააშენე საქართველო“ ჩაერთო, რომელიც მიზნად მომდევნო 2 წლის განმავლობაში ქვეყნის წინაშე არსებული პრობლემების გადაჭრის პროცესში საქართველოში წარმატებული ლიდერების და ახალგაზრდების ჩართულობას ისახავს. ინფორმაციას ამის შესახებ „ჯეოქეისი“ ავრცელებს.

მათივე ცნობით, მტკიცებულებებზე დაფუძნებული დისკუსიის და კომპრომისის გზით პროცესი მოამზადებს ნიადაგს, რომელიც არაფორმალურ გარემოში კონსენსუსის მიღწევაზე იქნება ორიენტირებული.

„ჯეოქეისის“ ინფორმაციით, პროექტში სხვადასხვა სფეროებიდან 60 მონაწილეა ჩართული, მათ შორის, აკადემიური წრეებიდან და არასამთავრობო სექტორიდან.

„საერთაშორისო რესპუბლიკური ინსტიტუტი (IRI), ექსპერტ ფასილიტატორების მხარდაჭერით, საზოგადოებრივი დიალოგის მიდგომას გამოიყენებს, რათა სხვადასხვა აქტორებს შორის საერთო საფუძველი შექმნას. შემოთავაზებული მიდგომა არაფორმალურ გარემოში კონსენსუსის მიღწევაზე იქნება ორიენტირებული, რაც სამომავლოდ ქმნის გაზრდილი თანამშრომლობისა და კომპრომისის საფუძველზე“, - ნათქვამია ინფორმაციაში.

ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
ქართული პრესის მიმოხილვა 28.11.2022
ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
PSP განცხადებას ავრცელებს