ანა აბაშიძე - არანაირი ავტორიტეტი არ არის არავინ, მათ შორის არც გერმანიის ელჩი, რომელმაც პირდაპირი მნიშვნელობით ჩემთან პერსონალური მიმოწერა გაასაჯაროვა, დადო „ფეისბუქ" გვერდზე

არანაირი ავტორიტეტი არ არის არავინ, მათ შორის არც გერმანიის ელჩი, რომელმაც პირდაპირი მნიშვნელობით ჩემთან პერსონალური მიმოწერა გაასაჯაროვა, დადო "ფეისბუქ" გვერდზე, - ამის შესახებ საქართველოს სახალხო დამცველობის კანდიდატმა, ანა აბაშიძემ პარლამენტში, ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე „ქართული ოცნების“ დეპუტატის, დავით მათიკაშვილის კითხვის პასუხად განაცხადა.

მმართველი პარტიის დეპუტატი დაინტერესდა, თუ რას გულისხმობდა საქართველოში გერმანიის ყოფილი ელჩი, ჰუბერტ ქნირში, რომელმაც განაცხადა, რომ არასამთავრობო ორგანიზაციები „ამ დონემდე დაეშვნენ“, როდესაც მათ 2020 წლის ივნისში, საქართველოს მთავრობის მიერ გაეროს ბავშვთა უფლებების კომიტეტის წევრობის კანდიდატად სოფიო კილაძის წარდგენა გააკრიტიკეს.

„იქნებ განგვიმარტოთ და საზოგადოებას უთხრათ, აი, თქვენ, როგორც სახალხო დამცველის კანდიდატი, როცა დიპლომატი, ჩვენი ქვეყნის მეგობარი, გერმანიის ელჩი გეუბნებათ პირდაპირ, რომ ამ დონემდე როგორ დაეშვით. ის რას გულისხმობდა?“ - იკითხა მათიკაშვილმა.

„ქართული ოცნების“ დეპუტატი დაინტერესდა, იყო თუ არა ანა აბაშიძე პირად დაპირისპირებაში სოფიო კილაძესთან და შეშვენის თუ არა მომავალ სახალხო დამცველს ასეთი საქციელი.

როგორც ანა აბაშიძემ აღნიშნა, ყველას კრიტიკა შეიძლება.

„პირველი შევთანხმდეთ იმაზე, რომ ავტორიტეტები არ არსებობენ და ყველას კრიტიკა შეიძლება, მათ შორის ბატონი გერმანიის ელჩის. მეორე შევთანხმდეთ იმაზე, რომ თქვენი შეკითხვა აპრიორი იქიდან ამოდის, რომ ქალბატონი კილაძე და ბატონი გერმანიის ელჩი აბსოლუტურად სწორი იყვნენ, რასაც ამბობდნენ. ამიტომ თქვენი შეკითხვა იმ თავითვე სუბიექტურია. მე არ ვიცი რას გულისხმობდა ეს კაცი [გერმანიის ელჩი]. მას ჰკითხეთ. არანაირი ავტორიტეტი არ არის არავინ, მათ შორის არც გერმანიის ელჩი, რომელმაც პირდაპირი მნიშვნელობით ჩემთან პერსონალური მიმოწერა გაასაჯაროვა, დადო "ფეისბუქ" გვერდზე“, - დასძინა აბაშიძემ.

მათიკაშვილმა სახალხო დამცველობის კანდიდატს განუცხადა, რომ ის აკრიტიკებს „ჩვენს მეგობარს, გერმანიის ელჩს საქართველოში“, რაზეც აბაშიძემ მოიგო, რომ ის აკრიტიკებს ყველას.

ამასთან, ანა აბაშიძემ აღნიშნა, რომ მას სოფიო კილაძესთან პერსონალურად არაფერი აკავშირებდა.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე