შინაურ ცხოველებთან დაკავშირებულ ცვლილებებზე საპარლამენტო კომიტეტში შეხვედრა ხმაურით მიმდინარეობს

შინაურ ცხოველებთან დაკავშირებულ საკანონმდებლო ცვლილებებზე გარემოს დაცვის კომიტეტის ფარგლებში არასამთავრობო ორგანიზაციებთან და დაინტერესებულ პირებთან სამუშაო შეხვედრა ხმაურით მიმდინარეობს. ხმაური გამოიწვია ცვლილებამ იმის შესახებ, რომელიც ადგენს, თუ სად არ შეიძლება ცხოველის მიკედლება, რასაც შეხვედრის მონაწილეების უკმაყოფილება მოჰყვა. მათი განმარტებით, პრაქტიკულად აღარ რჩება ადგილი, რომელიც ჩამონათვალში არ არის და სადაც ცხოველის მიკედლება დაშვებული იქნება. აღსანიშნავია, რომ სხდომა პირველივე წუთებიდან ხმაურით დაიწყო, რაც მოჰყვა ლეიბორისტული პარტიის ერთ- ერთი ლიდერის ლაშა ჩხარტიშვილის პროსტეტს იმასთან დაკავშირებით, რომ დოკუმენტი დღემდე საჯარო არ არის.

კომიტეტის ხელმძღვანელმა მაია ბითაძემ ჩხარტიშვილს და მის თანმხლებ პირებს სიმშვიდისკენ მოუწოდა და აღნიშნა, რომ წინააღმდეგ შემთხვევაში, დაატოვებინებს შეხვედრას ან საერთოდ შეწყვეტს მას. ბითაძის თქმით, მისთვის გაუგებარია პრეტენზიები, რადგან დოკუმენტის პრეზენტაცია სწორედ დღევანდელ სხდომაზე იგეგმება.

ლაშა ჩხარტიშვილის თქმით კი, დოკუმენტს მალავენ.

"წარმოადგინეთ დოკუმენტი თუ გაქვთ ან დავტოვებ შეხვედრას,"- განაცხადა ჩხარტიშვილმა და მას შემდეგ რაც დოკუმენტი ვერ მიიღო სხდომა დატოვა.

სხდომაზე კანონპროექტის პრეზენტაცია დაიწყო, თუმცა მისმა შინაარსმა შეხვედრის მონაწილეთა უკმაყოფილება გამოიწვია. შეხვედრის მონაწილეების განმარტებით, ცვლილებები მისაღები არ არის და ვეტერინარების, კინოლოგების და ცხოველთა დამცველების აზრის მოსმენის გარეშე ასეთი დოკუმენტის შემუშავება დაუშვებელია.

გარემოს დაცვისა და ბუნებრივი რესურსების კომიტეტის ფარგლებში არასამთავრობო ორგანიზაციებსა და დაინტერესებულ პირებთან სამუშაო შეხვედრა მიმდინარეობს. შეხვედრის მონაწილეები „შინაურ ბინადარ ცხოველთა შესახებ“ საქართველოს კანონის პროექტის მიზნების, ძირითადი პრინციპებისა და განსახორციელებელი ცვლილებების თაობაზე ინფორმაციას ისმენენ.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 05.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება