მომხმარებლის უფლებების დაცვის მექანიზმებსა და აღსრულების პოლიტიკაზე  მედიის წარმომადგენლებთან შეხვედრა გაიმართა

საქართველოს კონკურენციის ეროვნული სააგენტოს ორგანიზებით და ევროკავშირის მიერ დაფინანსებული TWINNING-ის პროექტის მხარდაჭერით, მედიის წარმომადგენლებთან სამუშაო შეხვედრა გაიმართა. ინფორმაციას კონკურენციის ეროვნული სააგენტო ავრცელებს.

მათივე ცნობით, ღონისძიება კონკურენციის ეროვნული სააგენტოს თავმჯდომარე ირაკლი ლექვინაძე და Twinning-ის პროექტის მუდმივმა რეზიდენტმა მრჩეველმა, იუსტინა პაულაუსკაიტემ გახსნეს და მონაწილეებს სიტყვით მიმართეს.

„1-ელი ნოემბრიდან მომხმარებლის უფლებების დაცვის კანონის აღსრულების პროცესს ვიწყებთ. შექმნილია შესაბამისი დეპარტამენტი, ამოქმედებულია ცხელი ხაზი, სადაც ნებისმიერ მსურველს შეუძლია დარეკოს და მისთვის მნიშვნელოვან შეკითხვებზე ამომწურავი პასუხი მიიღოს. მიმდინარე რეჟიმშია შეხვედრები სხვადასხვა დაინტერესებულ მხარეებთან - ბიზნეს ასოციაციებთან, ექსპერტულ ჯგუფებთან, მომხმარებლებთან. მადლობა მედიის წარმომადგენლებს აქტიური თანამშრომლობისთვის. ჩვენი საერთო მიზანია - საქართველოს თითოეულ მოქალაქეს დროულად და სწრაფად მივაწოდოთ ინფორმაცია - როგორ და სად შეუძლია დაიცვას საკუთარი უფლებები. შესაბამისად, საზოგადოებრივი ცნობიერების ამაღლების, კონკურენციის კულტურის გაძლიერების, ადვოკატირების პროცესის ეფექტიანად და სწორად წარმართვისათვის თქვენი მხარდაჭერა, რეკომენდაციები მნიშვნელოვანია.

მოგეხსენებათ, რომ ევროკავშირის დაფინანსებით, საქართველოს კონკურენციის ეროვნულ სააგენტოში მომხმარებლის პოლიტიკის დაცვის მიმართულებით, საჯარო სამსახურების დაძმობილების TWINNING-ის პროექტი „საქართველოს კონკურენციის სააგენტოს შესაძლებლობების გაძლიერება“ დაიწყო. პროექტის მიზანია ასოცირების შეთანხმების ფარგლებში, საქართველოს მიერ აღებული ვალდებულებების შესაბამისად, მომხმარებლის უფლებრივი მდგომარეობის გაუმჯობესება. ევროკავშირის საუკეთესო პრაქტიკის შესაბამისად, GNCA-ს ინსტიტუციური და ადამიანური რესურსების შესაძლებლობების გაძლიერება. შესაბამისად, ჩვენი მიზანია ევროკავშირის საუკეთესო პრაქტიკის შესწავლის, გაზიარების საფუძველზე საქართველოში დავნერგოთ, გავაძლიეროთ მომხმარებლის დაცვის მაღალი ხარისხი და კეთილსინდისიერი ქცევის კულტურა,’’- განაცხადა ირაკლი ლექვინაძემ.

ღონისძიებაზე, რომელსაც ტელე, რადიო და ონლაინ მედიის 30-ზე მეტი წარმომადგენელი ესწრებოდა, განხილულ იქნა მომხმარებლის უფლებების დაცვის კანონი, კანონქვემდებარე აქტი და აღსრულების მექანიზმები. პრეზენტაცია კონკურენციის ეროვნული სააგენტოს მომხმარებლის უფლებების დაცვის დეპარტამენტის უფროსის მოადგილემ, მარიამ შაიშმელაშვილმა წარადგინა.

შეხვედრა დისკუსიის, კითხვა-პასუხის რეჟიმში გაიმართა, სადაც წარმოდგენილ იქნა მომხმარებლის უფლებების დაცვის სფეროში საზოგადოების ცნობიერების ამაღლების შესახებ საუკეთესო ევროპული პრაქტიკა და მიდგომები. პრეზენტაცია სპეციალურად ღონისძიების ფარგლებში, მომხმარებლის უფლებების დაცვის სფეროში მოწვეულმა ექსპერტმა, ნერინგა ულბაიტემ წარადგინა, რომელიც ლიეტუვის მომხმარებელთა უფლებების დაცვის სახელმწიფო სამსახურის ყოფილი დირექტორია.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო