გენადი არველაძე - წლებია, თურქული კომპანიები აგრძელებენ საქართველოში ინვესტირებასა და გაფართოებას, ამის დასტურია „ბეკოს” 25-წლიანი საქმიანობაც ჩვენს ქვეყანაში

ეკონომიკისა და მდგრადი განვითარების მინისტრის მოადგილე გენადი არველაძემ მსოფლიოს ერთ-ერთი წამყვანი საყოფაცხოვრებო ტექნიკის ბრენდის “ბეკოს” საქართველოში საქმიანობის 25 წლის იუბილეს აღსანიშნავ ღონისძიებაში მონაწილეობა მიიღო. ინფორმაციას ეკონომიკისა და მდგრადი განვითარების სამინისტრო ავრცელებს.

როგორც სიტყვით გამოსვლისას გენადი არველაძემ აღნიშნა, ათწლეულების მანძილზე თურქეთი, საქართველოს ნომერ პირველი სავაჭრო პარტნიორია.

მისივე თქმით, 2021 წელს, პირველად ქვეყნებს შორის საგარეო სავაჭრო ბრუნვამ ორ მილიარდ დოლარს გადააჭარბა.

აღსანიშნავია, რომ საქართველოში ინვესტიციების შემოდინება თურქეთიდან პირველად 1997 წელს განხორციელდა. 2005-2020 წლებში სულ 1 778.7 მლნ. აშშ დოლარის ინვესტიცია განხორციელდა. მნიშვნელოვანია ის ფაქტი, რომ ინვესტიციები თურქეთიდან მზარდია.

“განსაკუთრებით გვახარებს ის გარემოება, რომ წლების განმავლობაში თურქულ კომპანიებს საქართველოში ბიზნესის განვითარებისა და ინვესტიციების განხორციელების ინტერესი არ განელებიათ. თურქი ინვესტორების ესოდენ დიდი დაინტერესება კიდევ ერთხელ მიუთითებს იმ ნდობაზე, რომელიც გამოწვეულია საქართველოში მიმდინარე რეფორმებით და ქვეყანაში არსებული ბიზნეს-გარემოთი, ხელსაყრელი საინვესტიციო კლიმატითა და სხვადასხვა ხელშემწყობი და წამახალისებელი ღონისძიებებით. სწორედ საქართველოს ბიზნეს კლიმატისა და ასევე ორმხრივი ნაცვალგების საფუძველზე აგებული სავაჭრო პარტნიორობისა და ურთიერთთანამშრომლობის შედეგია, რომ 25 წელია საქართველოს ბაზარზე საყოფაცხოვრებო ტექნიკის მაღაზიათა ქსელი „ბეკო“წარმატებით ოპერირებს და კომპანიას ამ წარმატებულ საქმიანობას ვულოცავ ”, - განაცხადა გენადი არველაძემ.

ეკონომიკისა და მდგრადი განვითარების მინისტრის მოადგილემ ასევე ხაზი გაუსვა საქართველოს, ევროკავშირსა და თურქეთს შორის ამოქმედებულ დიაგონალურ კუმულაციას, რომლის შედეგად შესაძლებელი გახდა მხარეთა ინდუსტრიული ნედლეულის საფუძველზე დამზადებული პროდუქცია თავისუფალი ვაჭრობის რეჟიმით შევიდეს ევროკავშირის ბაზარზე.

„აღსანიშნავია, რომ საქართველოს მიმზიდველი საინვესტიციო კლიმატის გათვალისწინებით ბეკოსთან ერთად დღეის მდგომარეობით, საქართველოში წარმატებით ფუნქციონირებს 10-ზე მეტი მსხვილი თურქული კომპანია სხვადასხვა სექტორებში.

კომპანია “ბეკომ” საქართველოში საქმიანობა 1997 წელს, ბათუმში გახსნილი ერთი მაღაზიით დაიწყო, დღეს კი „ბეკოს“ ანგარიშზე ქვეყნის მასშტაბით 98 სავაჭრო წერტილი, 5 სერვის ცენტრი, 800 დასაქმებული ადამიანი და ასობით ათასი ერთგული მომხმარებელია.

„ბეკო საქართველო“ ევროპაში ყველაზე დიდ საყოფაცხოვრებო ტექნიკის ტოპ 3 ბრენდს შორის დასახელებული „ბეკო გლობალის“ ღირსეული წარმომადგენელია. მსოფლიო მასშტაბით „ბეკო გლობალი“ 7 კონტინენტის 150 ქვეყანაშია წარმოდგენილი და 300 მილიონ მომხმარებელს ითვლის, აერთიანებს 12 ბრენდს და ჯამურად 40 000 თანამშრომელი ჰყავს,“ - აღნიშნულია გავრცელებულ ინფორმაციაში.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
ალიანს ჰაილაინი, როგორც სრულყოფილი საინვესტიციო პროდუქტი
ბოლო დროის ყველაზე პოპულარული B2B პროექტი - ONFAYA, Golden Tulip Design Tbilisi-ში
სუპერმარკეტების ქსელმა „ლიბრე“ განახლებული ფილიალი გახსნა
წინანდლის მამულში საგაზაფხულო სეზონი კულტურული ღონისძიებებით გაიხსნა