ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის სტუდენტი, დიეგო ჩხიკვაძე ბერძნულ-რომაულ ჭიდაობაში მსოფლიო ჩემპიონატის ბრინჯაოს პრიზიორია. ინფორმაციას ბათუმის შოთა რუსთაველის სახელმწიფო უნივერსიტეტი ავრცელებს.

მათივე ცნობით, დიეგო ჩხიკვაძემ ბერძნულ-რომაულ სტილში 23-წლამდელთა მსოფლიო ჩემპიონატზე 67 კილოგრამ წონით კატეგორიაში იასპარეზა, კოლუმბიელი ხულიან ასევადო 3-1 ანგარიშით დამარცხა და მედალს დაეუფლა. საქართველოს ბერძნულ-რომაული სტილით მოჭიდავეთა 23 წლამდელთა ნაკრებმა მსოფლიოს ჩემპიონატი 101 ქულით გუნდური მე-2 ადგილი დაიკავა.

მსოფლიო ჩემპიონატი ესპანეთის ქალაქ პონტევედრაში გაიმართა და მასში 26 ქვეყნის 260-მდე სპორტსმენი მონაწილეობდა.

ბათუმის შოთა რუსთაველის სახელმწიფო უნივერსიტეტი დიეგო ჩხიკვაძეს ამ მნიშვნელოვან გამარჯვებას ულოცავს და წარმატებებს უსურვებს.