გეგმური სარეაბილიტაციო სამუშაოების გამო, 27 ოქტომბერს, „ენერგო-პრო ჯორჯიას“ ქსელში არსებული აბონენტების ნაწილს ელექტროენერგიის მიწოდება შეეზღუდება.

კომპანიის ცნობით, გამანაწილებელ ქსელში დაგეგმილი სარეაბილიტაციო სამუშაოების გამო, 27 ოქტომბერს 10:00 საათიდან 18:00 საათამდე ენერგომომარაგება დროებით შეეზღუდებათ აბონენტებს ავჭალის მასივში, სოფელ გლდანში, ავჭალა 2-ის დასახლებაში.

12:00 საათიდან 18:00 საათამდე დენი შეუწყდებათ მცხეთის მუნიციპალიტეტის სოფლებს: ბურიანი, წინამძღვრიანთკარი, ნავდარაანთკარი, კოტორაანთკარი, ზაქარო, არაშენდა, საგურამო, შანკევანი, გალავანი, ახალსოფელი.

11:45 საათიდან 18:30 საათამდე ელექტროენერგია შეუწყდება მომხმარებლებს სოფლებში: გუდაური, ქუმლისციხე, კობი, ქვეშეთი, სეთურნი.

მათივე განმარტებით, სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.