ადიგენში იურიდიული დახმარების სამსახურის საკონსულტაციო ცენტრი გაიხსნა

ადიგენში, არტემ ბალახაშვილის ქ.#19-ში იურიდიული დახმარების სამსახურის საკონსულტაციო ცენტრი გაიხსნა.

ამის შესახებ ინფორმაციას იურიდიული დახმარების სამსახური ავრცელებს.

მათივე ცნობით, ცენტრში ადიგენის მუნიციპალიტეტის მოსახლეობა უფასო სამართლებრივი დახმარების მიღებას შეძლებს.

„აქამდე ადიგენელებს საზოგადოებრივი ადვოკატებისა და კონსულტანტის მომსახურების მიღებისთვის ახალციხის იურიდიული დახმარების ბიუროში ჩასვლა უწევდათ. ამჯერად, უფასო სამართლებრივი დახმარება ადიგენის მოსახლეობისთვის ხელმისაწვდომია.

ადიგენის საკონსულტაციო ცენტრის ოფისი იურიდიული დახმარების სამსახურის დირექტორმა რაჟდენ კუპრაშვილმა და ადიგენის მუნიციპალიტეტის მერმა გოჩა ქიმაძემ გახსნეს. ადგილობრივებს ცენტრის კონსულტანტი ლაშა ჯაფიაშვილი წარუდგინეს, რომელიც ნებისმიერ სამართლებრივ საკითხზე შეძლებს სამართლებრივი კონსულტაციის გაწევას ადიგენელებისთვის, მათ შორის: მიწის რეგისტრაცია, საბანკო ვალდებულებები, ბავშვთა უფლებები, მემკვიდრეობა და ა. შ.

გახსნის ცერემონიის შემდეგ მოსახლეობასთან შეხვედრა გაიმართა, სადაც რაჟდენ კუპრაშვილმა წარადგინა პრეზენტაცია უფასო სამართლებრივი დახმარების სისტემის, მიღების კრიტერიუმების, სამსახურის პროექტების შესახებ. დაინტერესებულ პირებს ინდივიდუალური კონსულტაციები გაეწიათ“, - ნათქვამია გავრცელებულ ინფორმაციაში.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო