უკრაინაში დაღუპული ქართველი მებრძოლი მიხეილ ყაფლანიშვილი საქართველოში ჩამოასვენეს. მას აეროპორტში მეგობრები და სამოქალაქო აქტივისტები დახვდნენ. მიხეილ ყაფლანიშვილის ცხედარი ქაშვეთის ეკლესიაში გადაასვენეს, სადაც სამოქალაქო პანაშვიდი მიმდინარეობს.

შეგახსენებთ, რომ მიხეილ ყაფლანიშვილი უკრაინაში რამდენიმე დღის წინ დაიღუპა. უკრაინაში ომის დაწყების შემდეგ 22 ქართველი მებრძოლია დაღუპული.