საქართველოს პარლამენტის თავმჯდომარე შალვა პაპუაშვილი, „ქართული ოცნების“ წევრის, დეპუტატ ირაკლი ხახუბიას გარდაცვალების გამო მწუხარებას გამოთქვამს და ოჯახს უსამძიმრებს.
„დიდი ტკივილია ირაკლის გარდაცვალება. ის იყო ჩვენი ქვეყნის გამორჩეული პატრიოტი და განსაკუთრებული სითბოს მატარებელი მეგობარი. ვუსამძიმრებ ირაკლის ოჯახის წევრებს, მეგობრებს, კოლეგებს, ქვეყანას“, - აცხადებს შალვა პაპუაშვილი.
შეგახსენებთ, რომ ირაკლი ხახუბია საკუთარ სახლში გარდაცვლილი დილით, ოჯახის წევრებმა იპოვეს. არსებული ინფორმაციით, დეპუტატმა სიცოცხლე თვითმკვლელობით დაასრულა. გავრცელებული ცნობით, ადგილზე ნაპოვნია ცეცხლსასროლი იარაღი. შსს-მ მომხდარზე გამოძიება სსკ-ის 115-ე მუხლით დაიწყო, რაც თვითმკვლელობამდე მიყვანას გულისხმობს.