აჭარის მთავრობის თავმჯდომარე თორნიკე რიჟვაძე, ირაკლი ხახუბიას გარდაცვალების გამო მწუხარებას გამოთქვამს.

რიჟვაძის სამძიმარს აჭარის მთავრობის პრესსამსახური ავრცელებს.

„მწუხარებას გამოვთქვამ ღირსეული პიროვნების, თანამებრძოლის, ქვეყნის პატრიოტის - ირაკლი ხახუბიას გარდაცვალების გამო. ვუსამძიმრებ ბატონი ირაკლის ოჯახს და საზოგადოებას“, - ნათქვამია განცხადებაში.

შეგახსენებთ, რომ „ქართული ოცნების“ წევრი დეპუტატი ირაკლი ხახუბია საკუთარ სახლში გარდაცვლილი დილით, ოჯახის წევრებმა იპოვეს. არსებული ინფორმაციით, დეპუტატმა სიცოცხლე თვითმკვლელობით დაასრულა. გავრცელებული ცნობით, ადგილზე ნაპოვნია ცეცხლსასროლი იარაღი.

ფაქტთან დაკავშირებით საქართველოს შინაგან საქმეთა სამინისტრომ გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.