„ტოიოტა ცენტრ თბილისში“ ტოიოტას მე-16 საერთაშორისო საბავშვო კონკურსში მონაწილეობის მსურველთა რეგისტრაცია დაიწყო

„ტოიოტა ცენტრი თბილისი“ საქართველოში მცხოვრებ ბავშვებსა და მოზარდებს „ტოიოტა მოტორ კორპორაციის“ მიერ ორგანიზებულ ხატვის მე-16 საერთაშორისო საბავშვო კონკურსში “ტოიოტას ოცნების ავტომობილი - Toyota Dream Car Art” მონაწილეობისთვის იწვევს.

„ტოიოტას“ განცხადებით, ტრადიციულ საერთაშორისო კონკურსში ჩართვა, 15 წლის ასაკის ჩათვლით, ნებისმიერ ბავშვს შეუძლია, რომელიც შევსებულ სარეგისტრაციო ფორმასა და საკონკურსო ნახატს - „ოცნების ავტომობილს“, 2023 წლის 3 თებერვლის 18:00 საათის ჩათვლით, მშობელთან ერთად, წარადგენს „ტოიოტა ცენტრი თბილისის“ ოფისში, მისამართზე: ქ. თბილისი, აღმაშენებლის ხეივანი #116, ან ამავე მისამართზე გაგზავნის ფოსტით (დამატებითი ინფორმაციისთვის დაკავშირება შესაძლებელია ნომერზე: 032 2511).

„ტოიოტას“ ხატვის გლობალური კონკურსის ფინალში მოსახვედრად, პირველ ეტაპზე, ბავშვებმა მონაწილეობა ადგილობრივ კონკურსში უნდა მიიღონ.

კომპანიის ცნობით, კომპეტენტური ჟიური, სამი ასაკობრივი კატეგორიის მიხედვით, შეარჩევს 9 საუკეთესო ნახატს, რომლებიც იაპონიაში, Toyota Dream Car Art-ის საერთაშორისო საბავშვო კონკურსზე გაიგზავნება. კონკურსის საბოლოო გამარჯვებულებს კი „ტოიოტა მოტორ კორპორაცია“ მსოფლიოს სხვადასხვა ქვეყნის ფინალისტებს შორის გამოავლენს და სპეციალური პრიზებით დააჯილდოვებს.

„ტოიოტას ოცნების ავტომობილის“ საკონკურსო პირობების, სარეგისტრაციო ფორმისა და სხვა დეტალური ინფორმაციის მოძიება შესაძლებელია „ტოიოტა ცენტრი თბილისის“ ოფიციალურ ვებგვერდზე, ბმულით: https://bit.ly/3FamPfv

„ტოიოტა ცენტრი თბილისის“ ინფორმაციით, ადგილობრივი კონკურსის შედეგები 2023 წლის თებერვლის ბოლომდე გასაჯაროვდება, საერთაშორისო კონკურსის შედეგები კი 2023 წლის ზაფხულში გახდება ცნობილი.

ინფორმაცია გამოქვეყნდება Toyota Dream Car Art-ის ოფიციალურ ვებგვერდზე: https://www.toyota-dreamcarart.com

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება