თურქეთის ელჩი ალი ქაან ორბაი საქართველოს პარლამენტის თურქეთის რესპუბლიკის პარლამენტთან მეგობრობის ჯგუფის ხელმძღვანელს ბექა ოდიშარიას დეპუტატ ირაკლი ხახუბიას გარდაცვალების გამო სამძიმარს უცხადებს.

„საქართველოში თურქეთის რესპუბლიკის ელჩმა ალი ქაან ორბაიმ თურქეთის რესპუბლიკის პარლამენტთან მეგობრობის ჯგუფის ხელმძღვანელს და დიასპორისა და კავკასიის საკითხთა კომიტეტის თავმჯდომარეს, ბექა ოდიშარიას მიმართა თანადგომის წერილით, პარლამენტის წევრის ირაკლი ხახუბიას გარდაცვალებასთან დაკავშირებით. ბატონი ელჩი სამძიმარს უცხადებს გარდაცვლილის ოჯახს, მეგობრებს და საქართველოს პარლამენტს“,- წერს ბექა ოდიშარია „ფეისბუქზე“.

შეგახსენებთ, რომ დეპუატატი ირაკლი ხახუბია საკუთარ სახლში გარდაცვლილი 27 ოქტომბერს ოჯახის წევრებმა იპოვეს. არსებული ინფორმაციით, დეპუტატმა სიცოცხლე თვითმკვლელობით დაასრულა. გავრცელებული ცნობით, ადგილზე ნაპოვნია ცეცხლსასროლი იარაღი.